Thaçi i shqetësuar i shkruan Kuvendit për 78 milionë euro (Dokument)
Autori: Gazeta inFokus 09:53 | 05 August 2019
Deputetëve të Kuvendit të Kosovës ju ka shkuar një shkresë jo shumë e zakontë në adresë të tyre. Po u kërkohet që të mos e rrezikojnë projektin afro 100 milionësh të Bashkimit Evropian të destinuar për këtë punë si dhe stabilitetin e prodhimit në këtë termocentral, shkruan gazeta inFokus.
Drejtori i Korporatës Energjetike të Kosovës, Njazi Thaçi i ka kërkuar Kryetarit të Kuvendit të Kosovës, Kadri Veseli dhe grupeve parlamentare që Kuvendi i Kosovës ta ratifikoi sa më parë marrëveshjen financiare me të cilën BE ka paraparë të financoi 78 milionë euro për ndërrimin e filtrave në Termocentralin Kosova B.
Ky projekt ka rrezik të dështoi komplet nëse shpërbëhet Kuvendi i Kosovës për ti hapur rrugë zgjedhjeve nacionale në vend, pas dorëheqjes së Ramush Haradinajt nga posti i kryeministrit, shkruan Gazeta inFokus.
Thaçi në letrën e tij ka bërë të ditur se Bashkimi Evropian është në proces të përzgjedhjes së kompanisë për realizimin e projektit të rehabilitimit (pjesa ambientale) të TC kosova B, përmes programit IPA, komponenta ambientale – Instalimi i elektrofiltrave dhe pajisjet për zvoglimin e Nox-it.
Sipas planifikimit, instalimi i elektrofiltrave dhe pajisjeve për zvogëlimin e Nox-it do të realizohen, në vitin 2020, në njësinë B1 dhe në vitin, 2021, në njësinë B2, të TC Kosova B.
“Që të realizohen këto projekte kërkohet që Kuvendi i Republikës së Kosovës të miratoj (ratifikoj) programin IPA, jo më larg se muaji Tetor/2019. Miratimi i programit IPA do të mundësonte realizimin e projektit të rehabilitimit te TC Kosova B sipas planit”, thuhet në letrën e Thaçit të cilën e posedon gazeta inFokus.
Mos miratimi i programit IPA sipas tij, do të rrezikonte seriozisht realizimin e granteve të EU dhe do t pamundësonte realizimin e projektit të rehabilitimit të Termocentralit Kosova B.
“Mosrealizimi i këtij projekti do të sillte KEK-un në situatë shumë të vështirë, sepse do të ndikonte në sigurinë e operimit të TC Kosova B. si dhe në mosrealizimin e projekteve tjera për rehabilitimin e tij, projekte të cilat KEK-u planifikon t’i realizoj gjatë instalimit të elektrofiltrave dhe pajisjeve për zvogëlimine NOx-it”, thuhet në letër.
“Projektligji nr.06/L-161 për ratifikimin e Marrëveshjes financiare për IPA 2018”, i cili mundëson alokimin e këtyre mjeteve për të filluar projektin për ndërrimin e filtrave të termocentralit Kosova B ende nuk është futur në rend për tu votuar nga Kuvendi i Kosovës pavarësisht diskutimeve për nivelin e ndotjes në vend.
Drejtori i Korporatës Energjetike të Kosovës, Njazi Thaçi pati paralajmëruar se KEK ka bërë gati 20 milionë euro dhe ka filluar punën përgatitore për të ulur ndotjen nga tymtarët e këtij termocentrali./Gazeta inFokus/
Të tjera
-
Hulumtimi i Infokusit: Ferat Shala e quan të dyshimtë dhe të kundërligjshme marrëveshjen e Liburn Aliut për tunelin Prizren – Tetovë
“Ju besua siguria e gjithçka tjetër fakultetit të një shteti tjetër”. Ga...
-
LAJMI I FUNDIT: Lirohen nga akuzat Sylejman Selimi dhe Jahir Demaku
Janë liruar nga akuzat për krime lufte, Ish-komandanti i Ushtrisë Çlirimtare ...
-
Murati: S`po ratifikohen marrëveshjet që do të përfitonim 300 milionë euro
Ministri i Financave dhe Transfereve, Hekuran Murati ka thënë se janë 300 mil...
-
Avokati i Popullit, i shqetësuar me akuzat për ngacmime seksuale në UP
Institucioni i Avokatit të Popullit është shprehur jashtëzakonisht i shqetësu...
-
Sindikata e Re KEK-ut dhe ajo e Trepçës, reagojnë ndaj kryetarit të BSPK-së për disa vendime
Sindikata e Re e KEK-ut, Sindikata e Pavarur e Administratës së Kosovës dhe S...
-
“Për nder të Liburn Aliut i cili na lëshoi çeshmen”, PSD aksion para Qeverisë
Partia Socialdemokrate ka zhvilluar një aksion simbolik në oborrin e Qeverisë...
-
Bogujevci: Suksesi i Kosovës në KiE-kur jemi bashkë arrijmë shumë
Nënkryetarja e Kuvendit të Kosovës, Saranda Bogujevci, e ka vlerësuar si suks...
-
Në Bruksel fillon takimi i përbashkët mes kryenegociatorëve
Ka nisur takimi i përbashkët mes kryenegociatorëve të Kosovës me ndërmjetësim...
-
Bom ba në veturën te rruga B: Arrestohet në aeroport Kushtrim Krasniqi, dyshohet se tentoi ta vra*ë Ardit Sekiraqën
Pas më shumë se dy muajsh, Policia ka arritur ta arrestojë të dyshuar për ten...
-
Rusia do ta humbte një luftë me NATO-n, paralajmëron Polonia
Një luftë mes Rusisë së Vlladimir Putinit dhe NATO-s do t’i jepte fund “mposh...
-
Ramush Haradinaj shkon në Sallagrazhdë për ta nderuar veprën e Fadil Vatës
Kryetari i AAK-së, Ramush Haradinaj, ka shkuar në Sallagrazhdë të Suharekës, ...
-
Kurti në Berlin flet për anëtarësimin e Kosovës në Këshillin e Evropës
Kryeministri i Kosovës, Albin Kurti ka zhvilluar takime në Gjermani ku po mer...