Lajme

Tetë të vrarë nga shtypja e protestave kundër mungesës së ujit në Iran

Autori: Gazeta inFokus 15:19 | 24 July 2021

Së paku tetë persona, përfshirë një adoleshent, janë vrarë gjatë shtypjes së dhunshme të protestave kundër mungesës së ujit në Iran, tha organizata Amnesty International.

Bashkëpunëtorët e kësaj organizate thonë se i kanë vërtetuar pamjet ku forcat iraniane të sigurisë shihen me armë automatike duke përdorur forcë të paligjshme për t’i shtypur protestat kryesisht paqësore në provincën Khuzestan.

Protestat shpërthyen javën e kaluar në jugperëndim të Iranit për shkak të reduktimeve të ashpra të ujit në kohën kur temperatura në atë pjesë është mbi 40 gradë. Amnesty International tha se forcat e sigurisë kanë vrarë tetë protestues e kalimtarë rasti, përfshirë një adoleshent, në shtatë qytete të ndryshme.

-Advertisement-

Sidoqoftë, zyrtarët e qeverisë iraniane dhe mediet e lidhura me shtetin kanë raportuar vetëm për katër të vdekur, duke i vajësuar disa grupe të armatosura të paidentifikuara për vdekjet.

Të premten, lideri suprem i Iranit, Ayatollah Ali Khamenei, foli për herë të parë për këtë krizë, duke thënë se e kupton zemërimin e protestuesve rreth këtij problemi, shkruan Independent, transmeton Gazeta Express.

Amnesty Internationa i bëri thirrje Iranit që ta ndalë gjakderdhjen, ndërsa këshillit për të Drejtat e Njeriut në OKB që urgjentisht të mbledhë dëshmi për ta lehtësuar fillimin e procedurave të pavarura për hetime.

Subscribe në YouTube: GAZETA INFOKUSI
Intervistë: Dr. Gorazd Konjanovski – Klinika Zhan Mitrev ka luajtur një rol kyç në vendosjen e themeleve në kardiokirurgji dhe…

Të tjera