Lajme

Tetë të lënduar në dy aksidente trafiku për një ditë në Kosovë

Autori: Gazeta inFokus 10:41 | 31 October 2022

Tetë persona janë lënduar gjatë dy vetëaksidenteve trafiku që kanë ndodhur të dielën në Kosovë, shkruan Gazeta Infokus.

Njëri prej vetëaksidenteve ka ndodhur në Skenderaj si dhe tjetri ka ndodhur në Vushtrri.

Rasti i parë në Skenderaj ka ndodhur me vozitësen grua ku nga pakujdesia ka shkaktuar vetëaksident ku është lënduar vetë ajo por edhe dy pasagjerët e veturës.

-Advertisement-

‘’Dyshohet se vozitësja femër kosovare , me automjet nga pakujdesia ka shkaktuar vetë aksident trafiku. Si pasojë, lëndime ka pësuar vetë vozitësja dhe dy pasagjerët kosovarë. Rasti është duke u hetuar’’, thuhet në raportin 24 orësh të Policisë.

Rasti tjetër ka ndodhur gjatë mbrëmjes në Vushtrri ku shoferi i një veture nuk ka mundur të i përshtatej kushteve të rrugës ku po voziste dhe ka shkaktuar vetëaksident.

E si pasojë e kësaj janë lënduar vet shoferi si dhe katër pasagjerët e tjerë, ku kanë pranuar edhe tretman mjekësor.

‘’Një veturë me targa vendore të cilën e drejtonte i dyshuari mashkull kosovar , si pasojë e mospërshtatjes së shpejtësisë së lëvizjes dhe kushteve të rrugës. Si pasojë e aksidentit lëndime trupore ka pësuar drejtuesi i veturës si dhe 4 meshkuj kosovarë pasagjer në veturë. Të lënduarit janë dërguar në tretman mjekësorë’’, raportoi policia./Gazeta Infokus/

Subscribe në YouTube: GAZETA INFOKUSI