Lajme

Tërnava: Njerëzit në nevojë janë amaneti i Zotit, ndihmojini ata duke ua ruajtur dinjitetin dhe krenarinë

Autori: Gazeta inFokus 11:49 | 10 March 2024

Nesër nis muaji i shenjtë i Ramazanit.

Me këtë rast, kreu i Bashkësisë Islame, Naim Tërnava, iu drejtua besimtarëve islam në Kosovë me një mesazh.

Ai iu bëri thirrje për unitet dhe solidaritet mes vete.

-Advertisement-

Tërnava theksoi se “njerëzit në nevojë janë amaneti i Zotit mbi supet tona”.

“Mos i privoni ata nga e drejta në pasurinë tonë që zoti na dhuroj. Ndihmoni dhe mbështetni ata duke i ruajtur dinjitetin dhe krenarinë e tyre”, tha Tërnava në mesazhin drejtuar besimtarëve myslimanë në Kosovë me rastin e muajit të madhërishëm të Ramazanit.

Muaji i Ramazanit, është më i zgjedhur tek besimtarët islam anekënd botës.

Në këtë muaj ka nisur zbritja e Kur’anit të madhërishëm.

Është muaji kur për 30 ditë besimtarët heqin dorë nga ushqimi dhe gjërat e tjera nga agimi e gjerë në mbrëmje kur edhe bëjnë iftar.

Gjatë këtij muaji, besimtarët solidarizohen më shumë edhe me të varfërit, por edhe luten për pranimin e veprave të mira dhe mëshiren e Allahut.

Me këtë rast, Ramazani ka dimension shpirtëror, moral, solidar dhe shëndetësor.

Nga agjërimi janë liruar fëmijët, shtatzënat, nënat me foshnja në gji dhe të sëmurët. Ditët e Ramazanit janë gjithashtu specifike në atë që xhamitë janë plot gjatë të pesë namazeve (faljeve), megjithëse ato mund të falen edhe në shtëpi.

Agjërimi njëmujor nuk i liron besimtarët nga obligimet dhe punët e rregullta, por u lejohet t’u përshtaten detyrimeve fetare

Subscribe në YouTube: GAZETA INFOKUSI
Etiketa:
Fito 50 € për dyshekun e vjetër dhe merr dyshkeun e ri Cloud për vetëm 549 €
-Advertisement-

Të tjera

Fokusi

lajme