Lajme

Tërnava: Besimtarët myslimanë i gëzohen Fitër Bajramit pas sakrificës së madhe

Autori: Gazeta inFokus 11:40 | 09 April 2024

Myftiu i Kosovës, Naim Tërnava, me rastin e Fitër Bajramit, në mesazhin e tij, ka thënë se kjo festë troket thellë te besimtarët.

Tërnava, mes tjerash theksoi se kjo ditë feste për besimtarët myslimanë vjen pas përfundimit të muajit të Ramazanit.

“Nesër është dita e bajramit, ditë feste për besimtar myslimanë në mbarë botën, të gjithë besimtarët i gëzohen kësaj feste ngase vjen pas një sakrifice të madhe, ajo është një manifestim falënderimi për Zotin pas agjërimi të muajit të bekuar të Ramazanit”, u shpreh Tërnava.

-Advertisement-

“Edhe në Kosovën tonë i gëzohemi kësaj feste madhështore e cila shfaqet në shoqërinë tonë në familjet tona me gëzim e hare me gjuhë falënderuese ndaj krijuesit dhe shprehje urime dhe përgëzimesh në mesin e gjithë besimtarëve”.

“Urtësia dhe esenca e festës së Fitër Bajramit, është gëzimi dhe hareja e cila troket thellë në shpirtrat e besimtarëve, të cilët e falënderojmë Zotin e madhëruar që u mundësoi dhe u bëri të lehtë agjërimin, adhurimin, faljen e namazit, leximin e Kuranit”.

Tërnava, theksoi se kjo festë dallohet nga të tjerat, njofton Klankosova.tv.

“Fitër Bajrami bartë brenda vetes një tufë virtytesh dhe avantazhesh që e dallojnë nga festat e tjera, bart vlera shoqërore dhe njerëzore të islamit ku zemrat bashkohen në mirësi ashtu që gëzimi i  bajramit përfshin çdo shtëpi të besimtarë, bekimet e Zotit shtrihen në çdo familje islame”.

“Bajrami është festë që edhe fëmijët i mbush me gëzim, buzëqeshje e argëtim. Ditë të shënuar që të afërmit i bashkon në forcim të lidhje farefisnore, ditë të lutjeve të shpresisës, bamirësi, ditë kur pastrohen shpirtrat dhe shtrëngohen duart”, tha myftiu i Kosovës, Naim Tërnava.

Subscribe në YouTube: GAZETA INFOKUSI
Etiketa:
Po, Po 31 Vetura Dacia Logan shpërblim për konsumator nga ETC
-Advertisement-

Të tjera

Fokusi

lajme