Lajme

Tërmti i 26 nëntorit| Në Shqipëri vijnë ministrat e turizmit të Ballkanit

Autori: Gazeta inFokus 09:18 | 12 January 2020

Disa nga vendet kryesore të turizmit në Shqipëri u shkatërruan nga tërmeti i madh 6.4 shkallësh i 26 nëntorit.

E për këtë punë, Tirana do të mbledh ministrat e turizmit të rajonit, nga Italia, Greqia, Kroacia, Sllovenia e Serbia, shkruan gazeta inFokus.

Kjo në kuadër të Samitit Ndërkombëtar për Turzimin.

Megjithatë, këtu nuk do të jenë veç ministrat por edhe agjencitë liderë të turizmit në rajon, përfaqësues të hoteleve të rëndësishme, operatorët turistikë në vend, kryetarët e bashkive e kryeministri Edi Rama.

“Turizmi, Solidaritet dhe Qëndrueshmëri”, është tema e samitit që po sjell në Tiranë, elitën e turizmit ndërkombëtar në rajon, që këtë herë vjen të mësojë nga Shqipëria, një leksion solidariteti të rrallë për turizmin”.

“Të mësojë nga solidariteti i lartë i sektorit të turizmit për të ndihmuar mbi 6000 qytetarë të pastrehë si pasojë e tërmetit të 26 nëntorit 2019, gjë që nuk është parë askund ku fatkeqësitë janë përballuar në çadra dhe jo në hotele me 5 yje, si në Shqipëri”.

Kështu, ndarja e përvojave e qëndrimi bashkë në përballimin e fatekqësisë e sidomos promovimi i imazhit ndërkombëtar të Shqipërisë si destinacion i qëndrueshëm turistik është edhe arsyeja që Organizata Botërore e Turizmit nxiti këtë mbledhi, shkruan gazeta inFokus.

Ky Samit Rajonal do të mbahet më 14 janar./Gazeta inFokus/

Të tjera