Jo të gjithë dashamirët e Ibrahim Rugovës e kundërshtojnë fjalimin e presidentit, Hashim Thaçi në ekspozitën organizuar për ish-presidentin,  Rugova.

Ish-deputetja e Kuvendit të Kosovës nga LDK, Melihate Tërmkolli në një prononcim dhënë Infokusit ka ‘goditur’ ashpër disa anëtarë të Lidhjes Demokratike të Kosovës.

Ajo i ka quajtur “shtihan” në reagimet e tyre ndaj Hashim Thaçit.

“Nuk është mirë me u shtihu thotë populli e disa kolegë të mij po shtihen shumë kinse po e dojnë shumë Rugovën, nuk e kanë dashtë kurrë”, ka thënë Tërmkolli.

Ajo ka thënë gjithashtu se deputeti, Driton Selmanaj e të tjerë nuk kanë pas asnjë lidhje me Rugovën ndërsa po e përdorin emrin e tij për përfitime personale.

‘Driton Selmanaj nuk ka lidhje me Ibrahim Rugovën, as disa anëtarë të tjerë të LDK-së nuk kanë lidhje me Rugovën, edhe më pak se Hashim Thaçi. Kështu që nuk është mirë me u bë dyfytyrësh ose 100 fryrësh dhe me këqyr vetëm me përfitu nga Ibrahim Rugova. Të gjithë në një far mënyre janë profitera nga Ibrahim Rugova’, ka thënë ajo.

Ish-deputetja e LDK-së ka thënë për Infokusin gjithashtu se edhe brenda LDK-së ka pas njerëz që nuk e kanë deshtë Rugovën ndërsa sot publikojnë fotografi me të.

‘Ka edhe plotë njerëz të LDK-së që thjeshtë kanë qenë shumë kundër presidentit Rugova dhe sot po flasin dhe publikojnë fotografi me Rugovën por që janë realizuar aksidentalisht’, ka thënë ajo.

Ndërsa e pyetur rreth fjalimit të presidentit, Hashim Thaçi në ekspozitën për presidentin, Ibrahim Rugova, ajo tha se e vlerëson këdo që flet dhe e çmon kontributin e Rugovës.

“Kushdo që flet ashtu siç ka qenë presidenti Rugova, mu më vjen shumë mirë dhe shprehë mirënjohje për atë që e çmojnë, sepse me vlerësim të Rugovës ata vlerësojnë edhe një pjesë shumë të ndritshme të shtetit tonë”, ka thënë ajo.

E Tërmkolli duke folur për ekspozitën e sotme ka falënderuar organizatorët e saj ndonëse ka thënë se do të kishte pasur dëshirë që kjo të realizohej në kohën kur LDK ka qenë në pushtet.

“I falënderoj të gjithë organizatorët e ekspozitës për presidentin, Ibrahim Rugova , njerëzit e muzeut dhe departamenti i Historisë kanë punuar shumë që ekspozita të del e jashtëzakonshme dhe do të kisha dashtë shumë që kjo të ishte bërë kur LDK ka qenë në pushtet por nuk është bë prandaj më vjen mirë për këdo që e ka organizuar tani”, ka thënë Tërmkolli për Infokusin.

Deputetët e LDK-së i reagojnë presidentit Thaçi

Të enjten me rastin e Ditës së Presidentit të Kosovës, Muzeu i Kosovës – Sektori i Historisë ka hapur ekspozitën historike “Kontributi i presidentit historik dr. Ibrahim Rugova në shtetformimin e Kosovës”, me bashkautor Sadik Krasniqi dhe Besnik Rraci.

E në hapje të këtij fjalimi folën presidenti i Kosovës, Hashim Thaçi dhe ish-kryeministri i Kosovës në ekzil, Bujar Bukoshi. Fjalimet e të cilave ngritën reagime nga deputetët të LDK-së.

Vjosa Osmani përmes një postimi në facebook ka shkruar se ata që dikur e kanë quajtur të çmendur e tradhtar sot i përulën.
Ajo ka shtuar gjithashtu se vepra e Rugovës në shtet ndërtim nuk do të fshihet kurrë.

‘ Hipokrizia nuk paska fund!’, ka përfunduar Osmani.

E deputeti tjetër, Driton Selmanaj tha se është neveritëse që për Rugovën të flasin Hashim Thaqi dhe Bujar Bukoshi. Njerëzit që sipas Selmanajt për së gjalli e luftuan me çdo mjet, e kërcënuan e kërkuan të dënohet.(Agnesa Çitaku)/INFOKUSI

Presidenti i UNI z. Alejtin Berisha, folës mbi temën “Women’s Role in Artificial Intelligence Development” në DOKUTECH, edicioni i 11-të

Sponsoruar