Tentativa të njëpasnjëshme, nga 2017-ta u ndanë miliona për ndërtimin e Stadiumit të Gjilanit
Autori: Gazeta inFokus
13:32 | 16 September 2023
Filloi si projekt në vitin 2017, por stadiumi i qytetit në Gjilan është ende i pa përfunduar.
Këtë të shtunë është vendosur një “gur”, kur janë ndarë 15 milionë euro për përfundimin e projektit që ka nisur në vitin 2017.
Por plot 27.7 milionë euro janë ndarë nga ajo kohë, dhe sot klubet gjilanase, Drita dhe Gjilani ende ‘sorollaten’ rrugëve, pasi nuk kanë ku të luajnë.
Dy skuadrat me traditë, që garojnë në elitën kryesore të futbollit kosovar, por edhe në garat evropiane në kualifikime, kanë vuajtur për mungesën e një stadiumi.
Firmën e projektit të parë për rindërtimin e stadiumit e dha kryetari i atëhershëm i komunës, Lutfi Haziri, i cili kapte vlerën e përgjithshme prej 6.2 milionë euro.
“Projekti i stadiumit të qytetit po nis ashtu siç edhe kemi planifikuar në planin e investimeve të Komunës së Gjilanit. Investimi i tij i përgjithshëm është në vlerë prej 6.2 milionë euro. Sot kemi nënshkruar vetëm faza e parë e cila është në vlerë prej mbi 3.1 milionë euro, gjithashtu edhe faza e dytë është e planifikuar që të investohet në vlerën prej rreth 3.1 milionë, që do të thotë se Gjilani përfundimisht po hynë në mesin e qyteteve me stadium modern dhe me standarte të sportit sipas UEFA-s dhe FIFA-a”, kishte thënë ish-kryetari Haziri në vitin 2017.
Ai kishte potencuar se ky stadium në të ardhmen e afërt do të priste ekipe me renome në nivel evropian dhe më gjerë.
“Gjilani ka traditë të futbollit dhe ky projekt do të jetë krenari e madhe e qytetit dhe e sukseseve të klubeve sportive të cilat i falënderoj për punën dhe angazhimin që po japin vazhdimisht”.
Ndërsa një ujdi tjetër ishte arritur edhe nga ish-ministri i Kulturës, Rinisë dhe Sportit, Kujtim Gashi, pikërisht me Lutfi Hazirin.
Gjatë atij takimi ishte diskutuar për bashkëpunimin mes MKRS-së dhe Komunës së Gjilanit si dhe ishin nënshkruar dy memorandume bashkëpunimi në fushën e sportit – Renovimi i Stadiumit të Qytetit në Gjilanit dhe projekti për palestrën sportive në Zhegër të Gjilanit.
Renovimi i Stadiumit të Qytetit në Gjilanit ishte projekt në të cilin MKRS-ja pritej të investonte mjete financiare në vlerë prej 1 milion e 950 mijë euro. Ky projekt planifikohej të zbatohej gjatë viteve 2019 deri më 2021.
Gjatë viti 2020, një memorandum tjetër për ndërtimin e stadiumit ishte arritur edhe në mes ministres së atëhershme të Sportit, Vlora Dumoshi dhe Hazirit, ku ishte thënë se po bëhet Gjilani me stadium të kategorisë të katërt.
Investimi kapte shumën prej 4.6 milionë eurosh, në ndërtimin e stadiumit të qytetit.
“Sipas memorandumit, obligimet financiare 100% i merr përsipër MKRS-ja dhe cakton organin mbikëqyrës të realizimit të projektit, ndërsa Komuna e Gjilanit do t’i zhvillojë procedurat e prokurimit dhe të dyja bashkë, MKRS-ja dhe komuna, do të kujdesen për implementimin e projektit”, thuhej në njoftim.
Megjithatë, kryetari i tanishëm i Gjilanit, Alban Hyseni shkëputi kontratën që ishte arritur për rindërtimin e stadiumit.
Ai kishte potencuar se ishin gjetur disa shkelje, ku ishin obliguar për ta ndërprerë kontratën, si pasojë e disa shkeljeve.
“Sot kemi ndërprerë kontratën për Stadiumin e Qytetit duke zhbllokuar kështu procesin dhe krijuar mundësinë për realizim sa më të shpejtë të projektit”, kishte shkruar Hyseni.
“Nga muaji janar i vitit 2022 bashkë me MKRS-në jemi angazhuar të analizojmë thellësisht sfidat e paraqitura në projektin e Stadiumit të Gjilanit, në mënyrë që të dakordohemi për planin e veprimit dhe të mobilizojmë resurset e nevojshme njerëzore dhe financiare për dinamizimin e punimeve në përmbylljen e këtij projekti”.
“Kjo analizë, e cila është mbështetur e verifikuar nga ekspert të mirënjohur te fushës së arkitekturës dhe prokurimit publik, ka rezultuar me gjetje të cilat na kanë obliguar të ndërpresim kontratën aktuale për shkak të shkeljeve të shumta që janë identifikuar”.
Gjatë ditës së sotme, ministri i tanishëm i Kulturës, Rinisë dhe Sportit, Hajrulla Çeku, dha lajmin e madh se stadiumi i Gjilanit po bëhet.
Çeku njoftoi se në marrëveshjen e sotme, me kryetarin e kësaj komune, Alban Hyseni, kanë ndarë 15 milionë euro për ndërtimin e stadiumit.
“Planifikimi i duhur është thelbësor për suksesin e çdo projekti dhe këtë e kemi bërë me Stadiumin e Gjilanit dhe do të vazhdojmë ta bëjmë me secilin projekt infrastrukturor që e fillojmë. Kështu po sigurohemi se ajo çfarë ka ndodhur në qeverisjet e kaluara të mos përsëritet më”, shkroi Çeku.
Ai potencoi se projekti përfundimtar i Stadiumit të Gjilanit, i cili mungonte, tash është hartuar dhe i gatshëm për zbatim ndërsa shtoi se buxheti i nevojshëm për financimin e zbatimit veçse është siguruar.
“Në marrëveshjen e sotme me kryetarin Alban Hyseni, zotuam 15 milionë euro për ndërtimin e stadiumit. Procedurat e nevojshme për zbatimin e projektit do të fillojnë menjëherë dhe punimet në tërësi do të nisin sa më parë”, vazhdoi Çeku.
“Për shkeljet që janë gjetur në të kaluarën e këtij stadiumi, tanimë të kualifikuara si të tilla edhe nga Zyra Kombëtare e Auditimit, ndaj palëve të përfshira po përgatitet kallëzim penal”.
Pos në Gjilan një gjë e njëjtë ka ndodhur edhe me stadiumin në Mitrovicë, ku janë ndarë disa herë miliona euro, por pamjet atje sot, duken si një gërmadhë.
Përndryshe, stadiumi i vetëm që plotëson kriteret e UEFA-s për t’u zhvilluar një ndeshje është ai i Prishtinës “Fadil Vokrri”.

T� tjera
-
Zulfaj reagon pas interpretimit të këngës nacionaliste serbe në Forumin e Zgjerimit të BE-së: Skandaloze dhe e papranueshme
Kryenegociatori i Kosovës me Bashkimin Evropian, Jeton Zulfaj, ka reaguar pas...
-
Koncerti i zgjerimit në Bruksel me këngën nacionaliste serbe, “Oj Kosovo, Kosovo”, Ambasadori Bajrami: KE të jap sqarime menjëherë
Ambasadori i Kosovës në Bruksel, Agron Bajrami ka reaguar pasi në koncertin h...
-
Pranim-dorëzimi i detyrës nga Haxhiu te Shiroka-Pula u bë me nje rregullore te re, NDI: Kosova e para në BP që e miratoi këtë kornizë
Damon M. Wilson nga NED Democrasy, ka vlerësuar Kosovën për miratimin e rregu...
-
Kurti përmbledh vizitën në Francë dhe Irlandë: U pritëm dy herë në Pallatin Élysée, takova Macronin dhe zyrtarë të lartë të shteteve
Kryeministri i Kosovëa, Albin Kurti, ka publikuar pamje nga vizitat e tij në ...
-
Skandal në Bruksel: Kënga nacionaliste serbe “Oj Kosovo, Kosovo” interpretohet në prag të Forumit të Zgjerimit të BE-së
Një ngjarje skandaloze është shënuar në Bruksel, në prag të edicionit të dytë...
-
Mbi 5,200 fluturime të prekura në SHBA për të tretën ditë radhazi, pritet rikthimi në normalitet të hënën
Ndërprerjet në trafikun ajror në Shtetet e Bashkuara kanë vazhduar për të tre...
-
Islami: Lista Studentore, në vazhdën e politikës së Serbisë kundër shtetësisë së Kosovës
Profesori i shkencave të sigurisë, Avni Islami, ka vlerësuar se takimi i përf...
-
Kandiq: Serbia duhet të përballet me faktet për krimet ndaj shqiptarëve në Kosovë
Aktivistja e njohur për të drejtat e njeriut në Serbi, Natasha Kandiq, ka rea...
-
Zelensky u bën thirrje SHBA-së dhe Muskut të heqin kufizimet e Starlink-ut dhe të rreshtohen në “anën e duhur të historisë”
Një shërbim thelbësor amerikan i internetit përmes satelitit vazhdon të funks...
-
Kurti bën bilancin e një jave jashtë shtetit, në Francë e Irlandë: U pritëm dy herë në Pallatin Elysse…
Kryeministri i Kosovëa, Albin Kurti, ka publikuar pamje nga vizitat e tij në ...
-
Jensen Huang dha dorëheqjen pas aferës me spiunen kineze, Sekretari amerikan i Thesarit: Nvidia duhet të dalë jashtë kompanisë për CEO-n e ri
Sekretari i Thesarit të SHBA-së, Scott Bessent, tha të dielën se Nvidia duhet...
-
E rëndë, edhe djali i viktimës nga Peja në gjendje kritike për jetën
Aksidenti tragjik në magjistralen Rozhajë–Beranë të Malit të Zi, ku humbi jet...


































