Lajme

Tensione para zgjedhjeve në Veri – Vuçiq i takon serbët e Kosovës në Rashkë

Autori: Gazeta inFokus 10:35 | 13 April 2023

Presidenti i Serbisë, Aleksandar Vuçiq sot do të takohet me përfaqësuesit politikë të serbëve nga Kosova.

Siç njofton Presidenca e Serbisë, takimi do të fillojë në orën 12:00 në Rashkë, përcjell Insajderi.

Në këtë takim do të marrin pjesë anëtarë të qeverisë serbe si dhe kryeministrja, Ana Bërnabiq.

-Advertisement-

Serbët në veri të mërkurën mbajtën një marsh në shenjë proteste për plagosjen e një qytetari serb nga Policia e Kosovës. Të njëjttit kanë nisur një peticion me anë të cilit po kërkojnë largimin e forcave speciale të Kosovës nga veriu.

Për plagosjen e Milan Jovanoviqit reaguan të gjithë përfaqësuesit ndërkombëtarë, ndërsa katër pjesëtarët e policisë së Kosovës që morën pjesë në incident u ndaluan për 48 orë.

Ndryshe zgjedhjet lokale në veri të Mitrovicës janë paraparë të mbahen më 23 prill, por për shkak të tensioneve nuk dihet ende nëse do të zhvillohen.

Subscribe në YouTube: GAZETA INFOKUSI
Etiketa:
Fito 50 € për dyshekun e vjetër dhe merr dyshkeun e ri Cloud për vetëm 549 €

Të tjera

Fokusi

lajme