Lajme

Tensione në seancë – “Me m’i ndodhë diçka djalit, ti ke me dhënë llogari”, “Ti je për kriminelë” – gruaja që u rrah nga burri përplaset me avokatin e tij

Autori: Gazeta inFokus 14:44 | 17 June 2025

Në gusht të vitit 2024, Sherife Alija u qëllua me armë zjarri nga bashkëshorti i saj, 73-vjeçari Idriz Alija.

Sot, në Gjykatën Themelore në Prishtinë është mbajtur seanca dëgjimore ndaj të akuzuarit, i cili nuk ishte i pranishëm në sallë për shkak, sipas mbrojtjes, të gjendjes së tij të rënduar shëndetësore, shkruan Insajderi.

Avokati i tij, Haxhi Millaku, kërkoi nga gjykata që t’i zëvendësohet masa e paraburgimit, e cila ka zgjatur mbi 10 muaj, me arrest shtëpiak, duke theksuar nevojën për trajtim mjekësor të të akuzuarit për shkak të moshës së shtyer dhe gjendjes së tij psikike.

-Advertisement-

Ai përmendi gjithashtu se mbrojtja ka qenë e gatshme të shqyrtojë mundësinë e një marrëveshjeje për pranimin e fajësisë.

Nga ana tjetër, prokurorja e rastit, Fatmire Cacaj, tha se kishte pranuar propozimin për negociata më 11 të këtij muaji, por theksoi se qëndrimi i prokurorisë nuk ka ndryshuar dhe se nuk ka pranuar asnjë kërkesë me shkrim nga mbrojtja.

Avokati i të dëmtuarës, Fitim Uka, u shpreh se ishte njoftuar në këtë seancë për herë të parë për iniciativën për marrëveshje, duke shtuar se pala që përfaqëson nuk është kundër një zgjidhjeje të tillë.

Gjatë seancës ka pasur momente tensionuese, gazetarja e Insajderit, ka kapur momentin e përplasjes së viktimës me avokatin e të dyshuarit.

Viktima, Sherife Tahiri ka thënë se ka presion që t’ia sigurojnë numrin personal të saj të telefonit, e kjo është kundërshtuar nga avokati i të dyshuarit, i cili është shprehur se e ka numrin e saj.

Si rrjedhojë, viktima ka akuzuar edhe avokatin duke e quajtur kriminel.

Për më tepër ndiqni videon:

Trupi gjykues mori vendim për shtyrjen e shqyrtimit gjyqësor në një datë tjetër.

Tre muaj më parë, Idriz Aliaj i akuzuar për vrasje në tentativë doli para gjykatës dhe e pranoi fajin pjesërisht.

Subscribe në YouTube: GAZETA INFOKUSI
Risi në foleja.com! Prej 49.99€ bleni dyshekët Nouve Blanc dhe përfitoni transportin falas me DHL
-Advertisement-

Të tjera

Fokusi

lajme