Lajme

Tensione në gjykatë: Familjarët e 8 vjeçarit që u vra hyjnë me forcë dhe thyejnë xhamat

Autori: Gazeta inFokus 11:49 | 18 November 2021

Në Gjykatën e Fierit do të jepen sot masa e sigurisë për Klodian Çalamanin. Ndërkohë familjarët e Mateo Vasiut kanë tentuar të futen me forcë në ambientet e gjykatës.

Familjarët e 8 vjeçarit Mateo Vasiu kanë hyrë me forcë në ambientet e Gjykatës së Fierit dhe thyer xhamat e derës hyrëse.

Të afërmit po nxirren me forcë nga ambientet e gjykatës ndërkohë që kanë kundërshtuar edhe praninë e medias duke hedhur përtokë pajisjet e punës së kolegëve gazetarë dhe operatorë.’

“Nuk na lini në gjykatë, nuk na lini që të ndezim një qiri të vendi, ça drejtësi është kjo”, dëgjohet të thotë një e afërme.

Masa e arrestit për autorin e krimit duhet të ishte në orën 10.00 dhe me pas u shty në orën 10.30.

Ndërkohë rreth orës 09.40 në gjykatë kanë mbërrit rreth 20 persona, familjarë të Mateo Vasiut, të cilët kanë krijuar një situatë të vështirë duke thyer derën kryesore të gjykatës e më pas janë konfrontuar me forcat e policisë brenda ambienteve të gjykatës. Ata kërkojnë drejtësi për vrasjen e djalit 8 vjeçar duke kërkuar varjen e autorit Klodian Çalameni.

Etiketa:

Të tjera

Fokusi

lajme