‘Teatri në kohë pandemie’, diskutime interesante dhe rekomandime nga konferenca e tretë teatrore
Autori: Gazeta inFokus 16:26 | 21 December 2020
Për herë të tretë është mbajtur në Prishtinë, konferenca teatrore, një ngjarje vjetore që i kushtohet zhvillimeve kryesore në teatër. “Teatri në kohë pandemie”, ishte edhe tema e edicionit të sivjetëm, që ka nxitur diskutime interesante mes panelistëve.
Profesorë, regjisorë, aktorë, artistë performativë, kanë shkëmbyer përvojat dhe idetë e tyre se si të përballohet efekti i pandemisë, që e ka prekur shumë edhe botën e teatrit.
Konferenca u zhvillua online, për shkak të rrethanave pandemike, që imponojnë distancë sociale dhe kufizime në grumbullimet e njerëzve.
Drejtoresha e konferencës teatrore, Prof. Elmaze Nura udhëhoqi debatin interesant që u zhvillua, duke ftuar MKRS-në që të hartojë strategji konkrete dhe të ndihmojë artet performative që ta përballojnë krizën për shkak të pandemisë. Sipas Nurës, përpjekjet për të bërë teatër online, nuk kanë dhënë rezultat, sepse teatri ka vlerë vetëm në komunikim direkt me publikun.
Panelistët kanë treguar eksperiencat e tyre gjatë pandemisë.
Kreshnik Musolli, drejtor i baletit të Kosovës tha se pavarësisht protokollove anti-covid, është vështirë të bëhet puna artistike duke ruajtur distancën sociale. Ai shtoi se mbylljet dhe kufizimet ndikuan në anulimin dhe shtyrjen e projekteve. Megjithatë, publiku nuk ka ngurruar që të shohë shfaqjet, edhe pse me numër të kufizuar.
Ndërsa profesori në Universitetin e Tetovës, Elmir Sejfullai, është shprehur se puna artistike në pandemi, ka qenë e vështirë. Sipas tij, puna online ka pasë grimca të vogla suksesi, por jo më shumë. “Të punosh teatër me frikën për jetën është e vështirë”. Ai ka thënë se deri sa të kryhet pandemia, duhet të mendohet që të reduktohen shfaqjet me shumë aktorë.
Sipas Fejsullahut, më së vështiri e kanë në këtë periudhë, artistët e lirë, që nuk kanë të ardhura të tjera përveç projekteve. Ai ka propozuar që të ndahen buxhet për artistët e pavarur, duke treguar se në Maqedoni, Ministria e Kulturës u ndan nga 100 euro për tre muaj kësaj kategorie.
Ndërkohë, aktori Armend Zeqiri, edhe pse sivjet kishte shumë ftesa për projekte, për shkak të pandemisë shumica e tyre nuk janë realizuar. Sipas tij edhe audienca është reduktuar shumë. Duke folur për transmetimin online të shfaqjeve, ai ka pohuar se është zbehur 99 për qind e performancave. Zeqiri beson se pas pandemisë, teatri do t’i kthehet normalitetit.
Ai ka shprehur shqetësim se nuk po bëhet një verifikim i duhur nga shteti, në mënyrë që të përfitojnë fonde artistët e pavarur.
Për pasojat e pandemisë foli edhe panelisti tjetër, regjisori Gëzim Hasani. Ai tregoi përvojën e tij me një projekt të zvarritur në Teatrin Kombëtar. Sipas Hasanit, është vështirë të ruhet distanca sociale mes aktorëve, kur dihet natyra e punës së tyre. Një ide që u dha nga ai, ishte që të kultivohet më shumë radio drama.
Eksperiencën e saj e solli në konferencën teatrore edhe regjisorja Fata Hyseni. Edhe ajo u pajtua me panelistët e tjerë se teatri onlinë nuk funksionon për shkak të specifikave që ka teatri. Ajo kërkoi më tepër mundësi nga shteti për artistët e kësaj fushe.
Edhe regjisorja dhe kostumografja Fatbardha Shala ka folur për vështirësitë e të bërit teatër në kohë pandemie. “Më mirë është që publiku të jetë i reduktuar deri sa të kryhet pandemia që shfaqjet të mos ndalen”, ka propozuar ajo.
Panelistët kanë propozuar që MKRS-ja të hartojë strategji të posaçme për artet performative, duke marrë parasysh efektet e rënda të pandemisë. Gjithashtu është kërkuar që të ndahen fonde për artistët e teatrit dhe të mbështeten në këtë periudhë të vështirë.
Pas diskutimeve me panelistët, Ministrisë së Kulturës do ti dorëzohen rekomandimet përkatëse si çdo vit tjetër. Propozimet e konferencës teatrore, kanë ndikuar në veprime konkrete nga ana e autoriteteve, në përmirësim të pozitës së artistëve të teatrit.
Kjo ngjarje e përvitshme, u mbajt nën organizimin e Cult Club, një organizatë me përvojë shumëvjeçare në fushën e teatrit.
Të tjera
-
Mbesa e kosovarit të burgosur në Serbi: Nuk e dimë si është trajtuar
Ministria e Punëve të Jashtme dhe Diasporës e Kosovës, ka konfirmuar arrestim...
-
Beogradi i cakton 30 ditë paraburgim kosovarit të arrestuar para dy ditësh në kufi, MPJ thotë se i është keqësuar shëndeti
Ministria e Punëve të Jashtme dhe Diasporës e Kosovës, ka konfirmuar arrestim...
-
Lajçak: Mandati im si ndërmjetës deri më 31 gusht – me lidershipin e ri të BE’së nis një fazë e re e procesit
Miroslav Lajçak së shpejti do ta lë postin e emisarit special të BE’së për Ba...
-
Vetëaksident tek Llesna në Prishtinë (PAMJE)
Një vetëaksident trafiku ka ndodhur para pak minutave tek Llesna në Prishtinë...
-
Vrąsja e intelektualëve të Mitrovicës 25 vjet më parë, Kurti: Serbia ua mohon familjeve të drejtën për të ditur të vërtetën
Kryeministri i Kosovës, Albin Kurti ka kujtuar zhdukjen e intelektualëve të M...
-
Anulohet pjesëmarrja e Kurtit në tubimin e opozitës së Maqedonisë së Veriut sonte në Berlin, çfarë ndodhi?
Bekim Qoku Këshilltar i Jashtëm Politik të Kryeministrit Albin Kurti për marr...
-
Murati: Marrëveshjet e deritanishme janë marrë vetëm me serbët e Kosovës
Kryetari i Lëvizjes për Bashkim, Valon Murati, ka thënë se deri më tani, marr...
-
Ky është rreshteri i NJRSH-së që u suspendua nga IPK-ja, dyshohet se e rrahu keq një qytetar
Sedat Ramdani, rreshter në Njësinë e Reagimit të Shpejtë në rajonin e Prizren...
-
17 vjeçari e th*rr me thíkë një person në Ferizaj, arrestohet brenda dy orëve
Sot në ora 17:47 policia rajonale e Ferizajt pranoi një informatë se në udhëk...
-
Durmishi i përgjigjet Pal Lekajt: Pse po rren?
Zëvëndësministri i Infrastrukturës, Hysen Dumishi, i ka reaguar ish-ministrit...
-
Stano: Arrestimi i zyrtarëve policorë të Kosovës nga Serbia, shqetësues
Zëdhënësi i Bashkimit Evropian, Peter Stano, tha për Radion Evropa e Lirë të ...
-
Një muaj paraburgim për kosovarin e ndaluar në Serbi nën dyshime për kríme ĺufte, thonë familjarët
Një gjykatë serbe ia ka caktuar masën prej një muaji paraburgim të pr...