Lajme

Të shtëna me armë zjarri në një aheng në Gjilan, arrestohet i dyshuari

Autori: Gazeta inFokus 10:04 | 20 July 2022

Një 38 vjeçar është arrestuar të martën në Gjilan për shkak të përdorimit të armës së zjarrit në një aheng familjar në Gjilan, shkruan Gazeta Infokus.

Sipas njoftimit policia ka arritur që ta lokalizoj vendin e ngjarjes.

“Patrulla policore ka arritur që të lokalizoj vendin e ngjarjes, ka takuar të dyshuarin Shqiptar Kosovar R.A. (1984)”, thuhet në komunikatën për media.

-Advertisement-

Ndërkaq, në vendin e ngjarjes ka dalë edhe njësiti i krim teknikes dhe janë gjetur prova të mjaftueshme materiale se i dyshuari gjatë një ahengu familjar ka shtënë me armë zjarri.

“Arma e llojit ‘CANIK’, prodhim Turk cal 9×19 mm së bashku me 14 gëzhoja të armës përkatëse janë konfiskuar si dëshmi materiale për Gjykatë”, thuhet në njoftim.

I dyshuari pas shoqërimit në Stacion Policor është intervistuar në prani të avokatit mbrojtës.

Në lidhje me rastin është njoftuar Prokurori i Shtetit, i cili ka urdhëruar që i dyshuari të lirohet në procedurë të rregullt, ndërsa rasti të procedohet së bashku me provat në Prokurorinë Themelore në Gjilan./Gazeta Infokus/

Subscribe në YouTube: GAZETA INFOKUSI

Të tjera

Fokusi

lajme