Sport

Te PSG të bindur: Mbappe nuk largohet

Autori: Gazeta inFokus 13:02 | 21 May 2019

Kampionët e Francës nuk duan ta lejojnë largimin e yllit të tyre.

Kylian Mbappe ka trembur të gjithë te Paris Saint-Germain, kur kishte deklaruar para dy ditësh se mund të largohej në një skuadër tjetër, për një projekt të ri.

Kjo deklaratë e sulmuesit të talentuar, ka detyruar klubin të dalë me një deklaratë, duke mohuar mundësinë që ai mund të largohet dhe se te PSG do të qëndrojë për kohë të gjatë.

-Advertisement-

“Mbappe ka kontratë me ne edhe për të paktën katër vite të tjera. Është e sigurt se do të jetë këtu në sezonin e ardhshëm”. “PSG dhe Mbappe kanë synimin e përbashkët për të shkruar historinë e futbollit evropian”, shkruhet në deklaratën e PSG-së.

Deklaratat e lojtarit mund të kenë qenë edhe si mesazh për drejtuesit e PSG, me Mbappen që kërkon të marrë më shumë përgjegjësi në skuadër dhe të jetë ai lideri i ekipit.

Subscribe në YouTube: GAZETA INFOKUSI