Lajme

A do të ndiqet Ramush Haradinaj nga Gjykata Speciale? Flet avokati që e mbrojti në Hagë

Autori: Gazeta inFokus 15:56 | 01 May 2017

Avokati ndërkombëtar Gregor D.Guy Smith, ka thënë se Gjykata Speciale, e cila do të merret me krimet e luftës që pretendohet të jenë kryer nga pjesëtarë të UÇK-së, nuk do të aktivizohet edhe për disa muaj tjerë.

Ai ka thënë se kjo vie pas vendimit të fundit të Gjykatës Speciale për rregullat që nuk janë në përputhje me Kushtetutën e Kosovës, e të cilat sipas tij, procedurat do të marrin kohë disa muaj.

Smith ka konfirmuar se ka biseduar me një numër të personave që mund të gjykohen nga Gjykata Speciale, por nuk ka bërë të ditur emrat e tyre.

-Advertisement-

I pyetur nëse ish-klienti i tij Ramush Haradinaj, të cilin ai e ka mbrojtur gjatë gjykimit në Tribunalin e Hagës, Smith ka përjashtuar një mundësi të tillë.

Madje, ai në intervistën për kp, e ka quajtur shokuese dhe shkelje ligjore, nëse do të ndodhte një gjë e tillë.

“Nëse një akuzë e tillë vjen nga Gjykata Speciale, kjo do të ishte jo vetëm shokuese, por jashtëzakonisht shqetësuese pasi që kjo do të ishte shkelje absolute e sundimit të ligjit në të gjitha aspektet. Z. Haradinaj është gjykuar tashmë dy herë në Hagë dhe është shpallur i pafajshëm, jo një herë, por dy herë në Hagë. Në propozimin e përgjithshëm ligjor, një individ nuk mund të gjykohet për akuzat e njëjta për të cilat është shpallur i pafajshëm dhe pasi që është liruar. Në dy gjykatat është vendosur se provat e paraqitura nga prokuroria sa i përket atyre akuzave kanë qenë të mangëta dhe dëshmitarët nuk kanë qenë të besueshëm sa i përket përfshirjes së z.Haradinaj në akuzat e ngritura ndaj tij. Pra, kjo duhet të jetë një episod e përfunduar në jetën e tij dhe shpresoj së në të vërtetë ashtu është“, ka thënë avokati Smith.

Subscribe në YouTube: GAZETA INFOKUSI
Etiketa:

Të tjera

Fokusi

lajme