Lajme

Të kujt janë dronët? Kosova: Nuk janë tonët

Autori: Gazeta inFokus 11:13 | 02 November 2022

Ministri i mbrojtjes së Kosovës, Armend Mehaj ka deklaruar se fluturaket pa pilot, të cilat janë vërejtur në zonën e Rashkës, nuk kanë ardhur nga Kosova, shkruan gazeta serbe B92.

Kryeministrja e Serbisë Ana Bërnabiq ka deklaruar se aeroplanët luftarakë serbë MIG-29 janë ngritur pasi fluturaket pa pilot kanë “xhiruar aktivitetet në Zonën e Sigurisë Tokësore”, transmeton Papraci.

Ajo ka shpjeguar se urdhrin për ngritje të aeroplanëve ushtarakë e ka dhënë presidenti serb Aleksandar Vuçiq, në cilësinë e komandantit të përgjithshëm dhe se ky urdhër tanimë është i përhershëm.

-Advertisement-

“Nëse këto gjëra përsëriten ne do t’i rrëzojmë këto fluturake”, ka kërcënuar Bërnabiq duke mos treguar se nga kanë ardhur këta dronë.

Nga ana tjetër, ministri serb i mbrojtjes Millosh Vuçeviq ka thënë se “aeroplanët MIG-29 nuk janë ngritur për shkak të dronëve dhe se ata mund të rrëzohen edhe me topa e mitralozë”.

Ndërkohë KFOR-i dhe NATO heshtin.

Subscribe në YouTube: GAZETA INFOKUSI
E PREMTJA E BARDHË ME ZBRITJE DERI 50%
-Advertisement-

Të tjera

Fokusi

lajme