Rozë

Të gjithë e lakmojnë trupin e Aurelës, këngëtarja tregon se si e ka arritur balancën

Autori: Gazeta inFokus 22:38 | 03 June 2020

Këngëtarja e njohur e skenës shqiptare, Aurela Gaçe ka treguar herë pas here me postimet e ndryshme përkushtimin e saj ndaj sportit dhe stërvitjes në mënyrë të rregullt. Me anë të disa videove në llogarinë e saj në ‘Instagram’, Gaçe ka pohuar së fundmi se si ka arritur të gjejë një balancë tek gjërat që do, ushqimet që dëshiron të konsumojë dhe stërvitjen e rregullt.

“Një nga pasionet që më bën të ndihem mirë. Aktiviteti të vesh me buzëqeshje e me energji pozitive. Kam gjetur një balancë mes asaj që dua. Kam kuptuar se duke kufizuar veten lodhesha psikologjikisht. Për vite me radhë e bëra, por nuk do të kthehem më atje. Tani nëse më hahet thjesht vazhdoj jetën pa e kufizuar asnjë dëshirë që kam për ushqimet. Ama aktiviteti fizik tek unë është kthyer në ‘ushqim për mendjen e shpirtin’”, ka shkruar Aurela krah postimit të fundit në ‘Instagram’.

Kujtojmë se shembuj si Aurela të cilët kanë zgjedhur të kujdesen për veten duke u marrë me aktivitet sportiv rregullisht, kanë frymëzuar dhe shumë persona të tjerë që kanë vendosur të kryejnë të njëjtën mënyrë jetese në të mirë të shëndetit të tyre.

-Advertisement-

Subscribe në YouTube: GAZETA INFOKUSI
Prince Caffe zgjeron shtrirjen në rajon, arrin marrëveshje bashkëpunimi me zinxhirin kroat Plodine

Të tjera