Të gjitha takimet e politikanëve të Kosovës me zyrtarë serbë që kanë nxitur reagime të VV’së në të kaluarën
Autori: Gazeta inFokus 20:43 | 08 December 2019
Takimi i anëtarit të VV’së, Xhelal Sveçla, me drejtorin e zyrës për Kosovën në Beograd, Ivica Gjuriq, në Tiranë është përfolur shumë. Fotografinë e cila u publikua dje shihej Svecla me Gjuriqin në një restoran në kryeqytetin shqiptar, pas një konference që u mbajt atje. Por, cilat janë ato takime të politikanëve të Kosovës me zyrtarë serbë që kanë ngjallur reagime të VV’së në të kaluarën.
Vetëvendosje, si kundërshtare e kahmotshme e takimeve të liderëve shqiptarë me eksponentë të Serbisë, që nuk pranojnë krimet e kryera mbi popullatën në Kosovë, e ka gjetur veten në anën e kundërt të reagimeve.
Nga ana e VV’së ka sqaruar në një konferencë ndërkombëtare të organizuar nga ambasada gjermane. Po ashtu ata kanë premtuar gjatë fushatës zgjedhore se me serbët ulen në tavolinë, mirëpo me një qasje tjetër nga ajo e liderëve të mëparshëm. Duhet të ceket se arritja e një marrëveshje mes Kosovës dhe Serbisë është ligjërisht e obligueshme nga ana e BE’së, dhe po ashtu për arritjen e kësaj marrëveshje angazhohet edhe SHBA’ja.
Por cilat janë ato takime të politikanëve të Kosovës me zyrtarë serbë që kanë ngjallur reagime të VV’së në të kaluarën.
Një nga më të përfolurit ishte takimi e ish-zëvendësministrit të Punëve të Jashtme, Petrit Selimi, me Ivica Daciq.
Gazeta Express ka bërë një përmbledhje të këtyre takimeve.
Një selfie e Selimit së bashku me Dacicin, ku është edhe djali i vogël i këtij të parit, Rrok Trimi, ngjalli reagime të paprecendentë. Kjo për faktin se Ivica Dacic ishte ish-pjesëtar i administratës së Sllobodan Milloshevicit gjatë kohës kur kryheshin krime të mëdha ndaj shqiptarëve në Kosovë.
Selimi u hodh me vezë nga aktivistë të VV’së në Kosovë, për këtë takim dhe për disa arsye tjera.
Pas tij, po atë ditë të njëjtin fat e kishte edhe anëtari i LDK’së, Arban Abrashi. Aksioni i Vetëvendosjes ndaj Abrashit është ‘arsyetuar’ me një fotografi të cilën ai e ka bërë bashkë me kryetarin e Leposaviqit, Dragan Jablanoviq, në zyrën e këtij të fundit, në mur të së cilës është vendosur një stemë shtetit të Serbisë.
Daciqi, në Serbinë e kësaj dekade, do të njihet si lobisti kundër pavarësisë së Kosovës dhe anëtarësimit të saj në organizata ndërkombëtare.
Pas kësaj ishte takimi i Isa Mustafes, gjatë kohës kur ishte kryeministër, me Aleksandër Vuciqin. Në këto takime ishte i pranishëm edhe presidenti i Kosovës, Hashim Thaçi.
Takimi ndërmjet kryeministrit të Kosovës Isa Mustafa dhe atij të Serbisë Aleksandër Vuçiç, në zyrat e BE-së në Bruksel, përfundoi me nënshkrimin e marrëveshjes për drejtësi. Sipas ndërmjetësueses së BE-së Federica Mogherini marrëveshja është arritur pas rreth 4 orë bisedime.
Mustafa pastaj nënshkroi edhe marrëveshjen për Asosacionin e Komunave Serbe. E kjo marrëveshje bëri që VV të e quaj Mustafën “argat të Serbisë”. Edhe Mustafa u hodh me ve gjatë një fjalimi në foltoren e Kuvendit të Kosovës.
Presidenti Thaçi në anën tjetër është takuar me Vuciqin disa herë zyrtarisht, e jo rrallëherë është raportuar e është aluduar se dyshja kanë pasur disa takime të fshehura, në kohën kur të dy po lobonin për idenë e ndryshimit të kufijve.
Pacolli u takua ndërkohë me kryeministren serbe, Anna Brnabiq, në selinë e OKB’së në Nju Jork. Pacolli dhe delegacioni kosovar nuk ishin të ftuar në këtë takim.
Ndërsa përgjigja e kryeministres serbe, se po të kishte qenë ftesa në dorë të saj, do të ishte ndryshe. “Po të ishte nga unë…”, ka qenë përgjigja e Brnabic.
Megjithatë, Pacolli këtë bisedë jo të këndshme, është munduar ta mbyllë me mirësjellje, duke u thënë gazetarëve serbë, se “Brnabic është një zonjë e respektuar”.
Pacolli i ndaloi hyrjen në Kosovë Bërnaqbiqit me vonë pas komentit të saj që tha se shqiptarët janë njerëz të ardhur nga mali.
Pacolli ishte takuar me Ivica Dacicin në Samitin e Poznanit. Nga aty Pacolli thotë se Dacici është pro vendimit që Kosovës të i hiqen vizat.
”Edhe Ivica Daçiq në ekspozimin e tij e përmend dy herë se Kosova duhet ta marrë liberalizimin e vizave. Ai ka një zbutje edhe nga e Beogradit që më lë të kuptojë se pas tentimeve barbare të ditëve të fundit e ka kuptuar se të gjitha inskenimet dhe veprimet që ka bërë nuk qëndrojnë dhe duhet t’i kthehet normalitetit dhe normaliteti është akcetipimi i realitetit se Kosova është e pavarur”, kishte thënë Pacolli.
Ndërkohë Svecla i kishte kritikuar takimet e ish-ministrit të jashtëm të Kosovës, Enver Hoxhaj, me përfaqësues të Odës Ekonomike të Serbisë. /Express/
Të tjera
-
Ngjarjet e datës 18 prill
Mbahet ceremonia e diplomimit të gjeneratës së 59-të të Policisë së Republikë...
-
Vetëm gjatë shkurtit 151 çifte i dhanë fund martesës së tyre
Vetëm gjatë muajit shkurt të këtij viti, 151 çifte i kanë dhënë fund martesës...
-
Kaplohet nga zjąrri kuzhina e një lokali në Gjakovë
Një lokal në rrugën “Mbretëresha Teutë” në Gjakovë është përfshirë sonte nga ...
-
1 mijë e 929 fëmijë linden në shkurt, ja sa femra e sa meshkuj
Gjatë muajit shkurt të këtij viti, kanë lindur 1 mijë e 929 fëmijë brenda dh...
-
Deliu kritikon Haxhiun: Kosova në ditë zie për gratë e vrąra, ministrja në fushatë zgjedhore të Maqedonisë
Deputetja e Partisë Demokratike të Kosovës, Blerta Deliu, ka kritikuar minist...
-
Kamberi thotë se rreth 14 të rinj nga Bunajovci janë ndaluar sot nga autoritetet serbe
Deputeti shqiptar në Parlamentin e Serbisë, Shaip Kamberi, ka deklaruar se 14...
-
“Putini po e pret Trumpin”: Bolton shpreh frikë për të ardhmen e Ukrainës dhe NATO-s
Ukraina përballet “me rrezik” nëse Shtetet e Bashkuara nuk miratojnë me shpej...
-
Vdękja e dyshimtë e ukrainases: Ky është personi i arrestuar, zbulohet dyshimi që rëndon mbi të
Një person është arrestuar lidhur me rastin tragjik të vdekjes së 23-vjeçares...
-
Musliu-Shoshi: Mashtrues e hipokrit shpallin “Ditë Zie”, e shkojnë në fushatë në Maqedoninë e Veriut !
Deputetja nga radhët e PDK-së Ariana Musliu- Shoshi i ka quajtur hipokrit e m...
-
“Strella u bë më agresiv ndaj meje dhe Butës pasi nisi të rrinte me Feron”, dëshmia e plotë e vëllaut të Butës, Qëndrim Januzit, për vrąsjen me gjashtë pĺumba të 30 vjeçarit në Ferizaj
Gjykimi për vrasjen e Gazmend Hysenit është në fazën përfundimtare. Në seancë...
-
Arrestohet një person për rastin trągjik të vdękjes së 23-vjeçares në autostradën në Ferizaj
Një person është arrestuar lidhur me rastin tragjik të vdekjes së 23-vjeçares...
-
MPB njofton se 5 zyrtarë policorë përfshirë Jankoviqin vazhdojnë të mbahen nga Serbia, bën thirrje te ndërkombëtarët të dënojë këtë veprim
Ministria e Punëve të Brendshme ka dënuar ashpër aktin e paprecedentë të Serb...