Të gjitha incidentet që ndodhën gjatë procesit zgjedhor
![](https://gazetainfokus.com/wp-content/uploads/2021/10/Zgjedhjet-foto-4-600x360-1.jpg)
Autori: Gazeta inFokus
10:57 | 18 October 2021
Policia e Kosovës përmes raportit 24-orësh ka dhënë detaje për incidentet e shkaktuara dje gjatë procesit zgjedhor. Incidentet janë raportuar në komuna të ndryshme të vendit.
Siç njofton policia, transmeton Gazeta Express, në Fushë Kosovë janë arrestuar tre meshkuj nën dyshimin se, të njëjtit kanë bërë falsifikimin e rezultateve të votave. “Me vendim të prokurorit tre të dyshuarit janë dërguar në mbajtje”, ka njoftuar policia.
Ndërsa, në Podujevë është hapur një rast “Keqpërdorim i të drejtës së votimit”, pasi ankuesi mashkull kosovar ka raportuar se, derisa ka shkuar në qendrën e votimit “ka raportuar lidhur me rastin në fjalë. Rasti vazhdon të hetohet”, njofton policia.
Një rast tjetër , “Parandalim i ushtrimit të së drejtës për të votuar”, është hapur në Podujevë.
“Podujevë, 17.10.2021-14:56. Ankuesi mashkull kosovar ka raportuar se përmes telefonit ka pranuar dy thirrje nga person-a të panjohur të cilët dyshohet se kanë kryer veprën më lartë. Rasti është duke u hetuar”, thuhet në njoftimin e PK-së, transmeton Gazeta Express.
Rasti “keqpërdorim i detyrës zyrtare gjatë votimir”, është hapur në Viti.
“Viti, 17.10.2021-15:00. Ankuesi mashkull kosovar ka raportuar se derisa ka shkuar në qendrën e votimit për të kryer obligimin ka raportuar lidhur me rastin në fjalë. Me vendim të prokurorit, rasti vazhdon në procedurë të rregullt”, njofton policia.
Ndërsa, në rajonin e Prizrenit janë hapur këto tri raste:
“PENGIM I PROCESIT TË VOTIMIT / Suharekë, 17.10.2021 – 09:28. Është arrestuar i dyshuari mashkull kosovar për shkak se në një qendër të votimit kishte kryer veprën e cekur më lartë. I dyshuari pas intervistimit me vendim të prokurorit është dërguar në mbajtje.
CËNIM I FSHEHTËSISË SË VOTIMIT /Prizren, 17.10.2021 – 14:50. Raportohet se i dyshuari mashkull kosovar, gjatë votimit ka fotografuar fletëvotimin. I dyshuari është shoqëruar në polici dhe pas intervistimit i dyshuari me vendim të prokurorit është liruar në procedurë të rregullt.
Mamush, 17.10.2021 – 17:15. Raportohet se i dyshuari mashkull kosovar, gjatë votimit ka fotografuar fletëvotimin. I dyshuari është shoqëruar në polici dhe pas intervistimit i dyshuari me vendim të prokurorit është liruar në procedurë të rregullt”, njofton policia.
Në Pejë është hapur një rast: “PENGIM I PROCESIT TË VOTIMIT & KANOSJE/ Pejë, 17.10.2021-14:30. Ankuesja femër kosovare ka raportuar se e dyshuara femër kosovare ka kryer veprën më lartë dhe më pastaj në dalje e ka kanosur verbalisht viktimën. Është njoftuar prokurori ndërsa rasti në procedure”, thuhet tutje në raportin 24 orësh të policisë.
Në Malishevë është arrestuar një person për pengim të procesit të votimit.
“PENGIM I PROCESIT TË VOTIMIT /Malishevë, 17.10.2021-17:00. Është arrestuar i dyshuari mashkull kosovar pasi që i njëjti gjatë procesit të votimit ka kryer veprën e lartcekur. Me vendim të prokurorit i dyshuari është dërguar në mbajtje”, njofton tutje policia.
Në Skenderaj, janë hapur dy raste në polici, njëri për “cënim i fshehtësisë së votimit”, e tjetri për “pengim i procesit të votimit”.
“CENIM I FSHEHTËSISË SË VOTIMIT /Skenderaj 17.10.2021-12:30. Viktima mashkull kosovar ka raportuar se është sulmuar fizikisht nga dy të dyshuar meshkuj kosovarë të cilët janë arrestuar dhe pas intervistimit me vendim të prokurorit janë dërguar në mbajtje.
PENGIM I PROCESIT TË VOTIMIT /Skenderaj, 17.10.2021-17:30. Është raportuar se në qendrën e vend –votimit i dyshuari mashkull kosovar dyshohet se ka kryer veprën e shënuar më lartë . Rasti është duke u hetuar”, ka njoftuar policia.
![](https://gazetainfokus.com/wp-content/uploads/2024/08/FotoLajm-002.jpg)
Të tjera
-
‘Eskavatori’ lë pa ujë disa fshatra në Vushtrri, dëmtuan një gyp gjatë punimeve në autostradë
Kompania e kontraktuar për shtrimin e autostradës Prishtinë-Mitrovicë për...
-
Fundjavë me fluks në Morinë, kosovarët për pushime në Shqipëri edhe në shtator
Edhe mëngjesi i kësaj të shtune ka nisur me fluks qytetarësh e mjetesh nga Ko...
-
Analistët: Veprimet e fundit të Serbisë në raport me Kosovën, përpjekje për destabilizim të Ballkanit
Veprimet e vazhdueshme të Serbisë në raport me Kosovën, sikurse edhe akti i f...
-
Djali i Adem Jasharit, Luli shtrihet në Kardiologji, Lladrovci: S’besoj që ta lë shenjë ty kjo
Kryetari i komunës së Drenasit, Ramiz Lladrovci, ka bërë të ditur se Lulzim J...
-
Vogëlushi i afrohet Kurtit për selfie, pasi e kryen ia vë gishtin në gjoks: Kryeministër ishte kënaqësi, çele Urën e Ibrit
Në ceremoninë e vendosjes së shtatores së presidentit historik, Ibrahim R...
-
Tre të vdẹkur sot në plazhet e Shqipërisë, dy prej tyre kosovarë
Rreth orës 14;50, në lagjen 13 në Durrës, 67-vjeçarja me iniciale A. Gj., ban...
-
Osmani: Strukturat ilegale në veri mbajnë peng integrimin e komunitetit serb
Presidentja e Kosovës, Vjosa Osmani ka pritur në takim të Ngarkuarën me Punë ...
-
Bulliqi i kundërpërgjigjet Hysenit të LDK-së: Je një mjeran politik
Kryetari i Komunës së Podujevës, Shpejtim Bulliqi, i është kundërpërgjigjur a...
-
Qendra për menaxhim kufitar del me njoftim pas hapjes së pikave kufitare
Qendra për menaxhim kombëtar ka njoftuar se janë hapur për qarkullim pikat ku...
-
Selmanaj i drejtohet Osmanit e Gërvallës: Ju guxuat të shanit LDK’në, por nuk guxuat të bëni zë kur Kurti ua shuajti partinë
Pas pranisë së kryeministrit Albin Kurti në inagurimin e shtatores së ish...
-
Sveçla: Serbia në panik, “shkolla ruse” për destabilizim të Kosovës e rajonit po dështon
Ministri i Punëve të Brendshme, Xhelal Sveçla, ka thënë se Serbisë është ...
-
Tahiri pas inaugurimit të shtatores së Ibrahim Rugovës: Lideri që nuk u lëkund, duke mbetur i përkushtuar ndaj një Kosove të lirë
Deputeti i AAK’së, Besnik Tahiri në rastin e ceremonisë së vendosjes së s...