Të dyshuarve për vrasjen e vëllezërve Maloku, u caktohet masa e ndalimit 48 orë
Autori: Gazeta inFokus 17:54 | 09 March 2018
Me urdhër të prokurorit të shtetit dy të dyshuarve për vrasjen e dy vëllezërve Maloku nga fshati Plloqicë i Komunës së Malishevës u është caktuar masa e ndalimit prej 48 orëve. Kështu ka thënë për Express, zëdhënësja e policisë në rajonin e Gjakovës, Lirije Podrimaj.
Dy vëllezërit, Shani e Bahri Maloku, 44 dhe 33 vjeç nga fshati Plloqicë i komunës së Malishevës u vranë mbrëmë me një breshëri plumbash në oborrin e shtëpisë së tyre. Policia për këtë rast ka arritur që t’i identifikojë dy të dyshuar të cilët mendohet se kanë hyrë mbrëmë në shtëpinë e viktimave.
Për këtë rast ndaj dy personave prokurori i shtetit ka urdhëruar që të vendoset masa e ndalimit në stacionin policor prej 48 orësh. Këtë e ka konfirmuar për Express zëdhënësja Lirie Podrimaj.
“Mund të ju konfirmojë se dy prej disa personave që janë intervistuar sot nga sektori i Hetimeve Rajonale në Gjakovë u është caktuar masa e ndalimit prej 48 orësh”, ka thënë Podrimaj.
Versionin që di familja, sipas dëshmitarit, të premten në mesditë ia ka shpjeguar Gazetës Express një tjetër familjar, që qëndronte në rend për të pritur të afërmit që vinin për të parë e ngushëlluar familjen Maloku nga Plloqica e Malishevës.
“Këta janë kanë 5-6 vetë tu lu. Ni djalë i mixhës tyne u dal në oborr, masi e ka kry renin e lojës. O zatet në ta edhe ata ja kanë nxjerrë kallashin e i kanë thanë mos luj, po ai prej tute ka piskat, edhe tanë janë dalë. Ata kanë ikë, këta i kanë njekë, edhe qyshtu”, rrëfen ky familjar për tragjedinë që ndodhi te familjarët e tij.
Ai thotë se dëshmitari ka shpjeguar se plaçkitësit kanë qëlluar në momentin që dy vëllezërit e vrarë kanë qenë shumë afër për t’i kapur plaçkitësit.
“I kanë pas shumë afër këta m’i kapë”, thotë ai.
Sipas tij, cak për vjedhje ishin dy lopët që i mbante babai i viktimës në ahurin e tyre.
Edhe pse ka parë ngjarjen, dëshmitari, sipas familjarëve, ka thënë se nuk ka mundur t’i identifikojë plaçkitësit. Ai ka treguar se në momentin kur kanë qëlluar, të gjithë janë ndalur për t’iu ofruar ndihmë viktimave.
Ndryshe, viktimat Shani Maloku (44 vjeç) dhe Bahri Maloku (33 vjeç) kanë ndërruar jetë pasi janë dërguar në Shtëpi të Shëndetit në Malishevë njëri prej tyre, gjegjësisht në QKUK tjetri.
44-vjeçari kishte qenë pjesëtar i FSK-së, i martuar dhe baba i katër fëmijëve. Ndërsa, edhe i vëllai tjetër përveç gruas ka lënë pas edhe dy fëmijë./GazetaExpress/
Të tjera
-
Ramiz Qeriqi pohon se kishte polici ushtarake në batalionin e tij
Në Dhomat e Specializuara të Kosovës (DhSK) po vazhdon dëshminë dëshmitari i ...
-
Bie fasada nga një ndërtesë në Prishtinë, detaje nga zjarrfikësit
Në rrugën “UÇK” në Prishtinë një pjesë e fasadës së një ndërtese ka rënë, duk...
-
Ambasada britanike për zgjedhjet në veri: Bojkoti – pengesë për demokracinë
Ambasada e Britanisë së Madhe në një përgjigje për RTK-në është deklaruar se ...
-
Gërvalla me vendim ndalon punësimin e familjarëve në MPJD
Ministrja e Punëve të Jashtme dhe Diasporës, Donika Gërvalla, ka marrë vendim...
-
Sandulloviq falënderon Osmanin për ngritjen e çështjes së tij në mbledhjen e OKB-së
Politikani serb, Nikolla Sandulloviq, ka falënderuar presidenten e Kosovës pë...
-
Dënohen me burg shtatë të akuzuarit për dhunimin e 11-vjeçares, njëri lirohet
Gjykata Themelore në Prishtinë ka dënuar me 62 vite burgim të akuzuarit për d...
-
Deputeti ukrainas: Serbia ta pranojë Kosovën
Deputeti ukrainas, Oleksiy Goncharenko, thotë se Kosova nuk mund të jetë “zon...
-
Themelorja dhe Apeli konfirmojnë aktakuzën ndaj Dragisha Milenkoviqit për kri*e lufte në Kosovë
Gjykata Themelore e Prishtinës dhe Gjykata e Apelit kanë konfirmuar aktakuzën...
-
Osmani mbledh partnerët pas OKB-së: Kosova krenare që ka kaq shumë miq
Presidentja Vjosa Osmani pas takimit të Këshillit të Sigurimit në OKB ka mble...
-
Momenti kur kryesuesja e seancës së KS të OKB-së u bë nervoz me Vuçiqin, i bie edhe tavolinës me dorë
Të hënën është mbajtur seanca e Këshillit të Sigurimit të Kombeve të Bashkuar...
-
Gjendet 12-vjeçarja që u raportua e zhdukur në Pejë
Është gjetur 12-vjeçarja e cila ishte raportuar e zhdukur nga babai i saj në ...
-
Pse BE-ja s’i sanksionon politikanët e korruptuar?
Komisioni Evropian (KE) kishte propozuar para rreth një viti se Bashkimi Evro...