Lajme

Tatuazhi që ia ndërpreu ëndrrën, flet 23 vjeçari nga Gjilani

Autori: Gazeta inFokus 15:44 | 17 September 2022

Ermelind Kastratit, të riut nga Gjilani iu ndërpre ëndrra në gjysmë. 23 vjeçari i cili priti një vit për t’iu bashkuar Forcës së Sigurisë së Kosovës, tashmë është jashtë saj. Kjo si pasojë e një tatuazhi që gjilanasi ka në trup.

Gjatë ditës së djeshme, Ministria e Mbrojtjes i dërgoi mesazh rreth 13 ushtarëve që ishin në kazermën “Skenderbeu” në Ferizaj që të njëjtit nuk mund të jenë më pjesë e FSK-së.

Krejt kjo për shkak të tatuazheve që ushtarët e rinj kishin në trup.

-Advertisement-

Kastrati për Insajderin tha se ia kanë parë tatuazhin kur ka shkuar për t’i bërë testet mjekësore, por, që atëkohë nuk i kishin thënë se mund të përbëjë një problem.

“Na kanë pa tek testi mjekësor, nuk ka kanë thanë asgjë. Aty nga ministria ka ardhur mesazhi në kazermë”, tha ai.

Ai tregoi se e kishte ëndërr që nga fëmijëria t’i bashkohet FSK’së dhe kërkoi nga Qeveria të largohet ky rregull.

“Po ka qenë ëndërr e jemja prej fillimi me qenë pjesë e FSK’së. Për Qeverinë e kam një mesazh që ta heqin këtë rregull se shumica e rinisë që kanë dëshirë me hy aty kanë tatto dhe nuk është ndonjë problem i madh tattoja”, ka thënë Kastrati për Insajderin.

23 vjeçari kishte tatuazh thënien e heroit të Kosovës, Agim Ramadanit.

“Mu shterrshin sytë nëse pushoj, lirinë tënde me ëndrrue, mallkue qoft gjaku im, nëse m’’vrasin pa luftue”.

Në rregullat e konkursit që janë publike specifikohet kriteri për tatuazhet ku tregohet se cilat prej tyre nuk lejohen.

Kështu thuhet në secilin konkurs të Ministrisë së Mbrojtjes.

“Të mos kenë tatuazhe në fytyrë, qafë dhe parakrah nga pjesa e bicepsit e deri te gishtat e dorës duke përfshirë edhe pirsingun. (Në rast përzgjedhjeje, kandidatët janë të obliguar të bëjnë heqjen e tyre paraprakisht në afatin kohor deri në trajnimin bazik, në të kundërtën do të diskualifikohen)”.

Në njoftimet e konkurseve thuhet se për çdo informatë të rrejshme kurdo që zbulohet kandidatët do të largohen nga FSK-ja.

“Shënim: Kandidatët duhet të ofrojnë informata të sakta gjatë procesit të rekrutimit. Dhënia e informatave të rrejshme kurdo që zbulohet, gjatë procesit të rekrutimit apo gjatë shërbimit në FSK, rezulton me largim nga FSK-ja” thuhet një njoftimin për konkurs nga Ministria e Mbrojtjes.

Subscribe në YouTube: GAZETA INFOKUSI
Keiretsu Forum Southeast Europe dhe BKT Kosova, një bashkëpunim i guximshëm për herë të parë në llojin e tij, në…
-Advertisement-

Të tjera

Fokusi

lajme