Fokus

Tash e 5 muaj në ndërtim, ja kur pritet të përfundojë rruga “Skënderbeu” në Bardhosh

Autori: Samire Jaha 20:34 | 17 August 2023

Rruga “Skënderbeu”, në Bardhosh tash e 5 muaj ka qenë duke u rindërtuar, e ku pritet të përfundoj brenda muajit shtator, shkruan Gazeta Infokus.

Kështu kanë konfirmuar për Infokus, nga Komuna e Prishtinës.

Nga kjo komunë kanë treguar se vonesat në përfundimin e kësaj rruge, kanë qenë për shkak të disa mangësive në projekt.

-Advertisement-

“Punimet në rrugën “Skënderbeu” në Bardhosh, pritet të përfundojnë brenda muajit Shtator. Vonesat në realizimin e këtij projekti kanë qenë për shkak disa mangësive në projekt, si mungesa e rrjetit te kanalizimit fekal, rrjetit të ujësjellësit si dhe infrastrukturës nëntokësore të ndriçimit, të cilat kanë marrur shumë kohë dhe të cilat kanë ndikuar në planin dinamik të realizimit të punimeve”, janë përgjigjur nga komuna për Infokus.

Ndryshe për realizimin dhe përfundimin e kësaj rruge, komunës iu është dashur të shpenzojë gjithsej, 235 mijë e 467 euro.

“Shuma totale e punëve të kryera deri më tani është: 135,467.60€, ndërsa jemi në procedim të situacionit të katërt të përkohshëm në vlerë prej: 100,000.00 €”, janë përgjigjur nga komuna.

Ndërkaq ndërtimi i kësaj rruge ka bërë që autobusët e Trafikut Urban ta ndalojnë qarkullimin andej duke bërë që qytetarët të ecin këmbë më shumë se 15-20 minuta deri tek stacioni ku edhe ndalen tash autobusët./Gazeta Infokus/

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

fokus

Ky website përdor cookies. Duke vazhduar përdorimin, ju pranoni përdorimin e tyre.

Privacy policy