Lajme

“Takimi i sotëm në Bruksel ka dështuar, fajtorë të dyja palët”

Autori: Gazeta inFokus 21:23 | 22 June 2023

Në emisionin “Politiko” me Kushtrim Sadiku, në Kanal10, vetarani i gazetarisë dhe zyrtari i NATO-s, Afrim Gjonbalaj, foli rreth takimeve që sot u zhvilluan në Bruksel, ku Përfaqësuesi i lartë i Bashkimit Evropian për politikë të jashtme, Josep Borrell ka takuar ndaras Kurtin dhe Vuçiq.

Gjonbalaj tha se nuk ka pasur takim mes Kurtit dhe Vuçiq por është insistuar në tri pikat si tërheqja e policisë speciale të kosovës nga veriu, e dyta caktimi i datave për zgjedhje në veri dhe tre, kërkohet nga Beogradi që të sigurojë pjesëmarrjen e serbëve të veriut në zgjedhje.

“Takimi ka dështuar, nuk ka ndonjë rezultat nga takimet. “Sakicat” po thyen te këto tri pika”, tha ai.

-Advertisement-

Sipas tij edhe për disa muaj nuk do të kemi zgjidhje për veriun.

“Borrel dhe BE-ja janë në çorrsokak, i ka dhënë shumë hapësirë Serbisë nga takimi i Ohrit duke besuar se ajo do të zbatojë marrëveshjen”, tha tutje Gjonbalaj.

Subscribe në YouTube: GAZETA INFOKUSI