Lajme

Takimi i Escobar me Kurtin, publikohet agjenda

Autori: Gazeta inFokus 09:36 | 14 March 2024

I dërguari i posaçëm i Shteteve të Bashkuara të Amerikës, Gabriel Escobar, edhe sot po qëndron në Kosovë, i cili të merkurin ka takuar presidenten Osmani dhe liderët opozitar ndërsa sot do të takohet me kryeministrin Albin Kurti, shkruan Gazeta Metro.

Sipas njoftimit të Zyrës së Kryeministrit, ky takim do të fillojë në orën 15:30, përderisa bëhet e ditur se nuk do të ketë konferencë pas takimit.

Escobar siç po duket e ka lënë si të fundit takimin me shefin e Qeverisë, Albin Kurti. Nuk dihet nëse kjo përcjellë ndonjë mesazh apo është vetëm rastësi.

-Advertisement-

Kjo pasi që Escobar të martën në një telekonferencë me gazetarët kishte qenë shumë i ashpër, i cili veç tjerash kishte thënë se Shtetet e Bashkuara të Amerikës kanë problem në komunikim me kryeministrin e Kosovës, Albin Kurti.

“Partneriteti mes SHBA-së dhe qytetarëve nuk shkon përmes një njeriu apo partie, por do të thosha se tani kemi probleme në komunikim me kryeministrin. Ky nuk është problem që kanë vetëm SHBA-të, ka edhe BE-ja, NATO-ja, Britania e Madhe dhe shtete tjera si Maqedonia e Veriut apo Shqipëria. Duam kthimin e marrëdhënieve në binarët që kanë qenë më parë”, ishte shprehur qartë Escobar.

Njoftimi i plotë i ZKMsë:

Agjenda e Kryeministrit të Republikës së Kosovës e datës 14.03.2024

Kryeministri i Republikës së Kosovës, Albin Kurti, pret në takim zëvendësndihmëssekretarin e Shteteve të Bashkuara për Çështje Evropiane dhe Euroaziatike dhe njëherësh të dërguarin e posaçëm të Shteteve të Bashkuara të Amerikës për Ballkanin Perëndimor, Gabriel Escobar.

Mediat mund të marrin pamje në oborrin e ndërtesës së Qeverisë.

Vendi: Ndërtesa e Qeverisë

Koha: 15:30.

Subscribe në YouTube: GAZETA INFOKUSI
Etiketa:
MYZHDE për krejt!

Të tjera

Fokusi

lajme