Lajme

Tahiri: T’u ofrojmë përkrahje dhe mbrojtje personave që bien viktima të krimit

Autori: Gazeta inFokus 12:27 | 30 October 2017

Ministri i Drejtësisë, Abelard Tahiri është shprehur se trajtimi adekuat i viktimave të krimit, një kategorie veçanërisht të cenueshme të vendit, reflekton integritetin moral të shoqërisë.

Sipas Tahirit, është jetike jo vetëm të l luftohet dhe parandalohet krimi por edhe t’u ofrohet përkrahej dhe mbrojtje të gjithë personave që bien viktima të krimit.

Ky është postimi i plotë:

-Advertisement-

Për mua si Ministër i Drejtësisë, edhe në Javën për të Drejtat e Viktimave të Krimit, theksova se trajtimi adekuat i i viktimave të krimit, një kategorie veçanërisht të cenueshme të vendit, reflekton integritetin moral të shoqërisë sonë dhe do të jetë prioritet kyç i punës sime. Në muajin shtator, në kuadër të Programit të Kompensimit të Viktimave të Krimit që e kemi lansuar së fundi, Komisioni për kompensimin e viktimave të krimit, ka trajtuar kërkesën e parë për kompensim dhe e njëjta është aprovuar konform kushteve të plotësuara sipas dispozitave ligjore. Është jetike që në bashkëpunim të ngushtë me të gjithë aktorët relevantë vendorë dhe ndërkombëtarë, jo vetëm të luftojmë dhe parandalojmë krimin, por edhe t’u ofrojmë përkrahje dhe mbrojtje të gjithë personave që bien viktima të krimit.