Lajme

Tahiri: Sulmet e bandave kriminale e terroriste me adresë nga Beogradi s’mund ta zmbrapsin Kosovën

Autori: Gazeta inFokus 11:10 | 24 Shtator 2023

Zyrtari i LDK-së, Xhafer Tahiri ka shprehur ngushëllime për familjen e zyrtarit policor që u vra sot në Veri.

Ai tha se “Sulmet e bandave kriminale e terroriste me adresë nga Beogradi s’mund ta zmbrapsin Kosovën nga e drejta për vendosje të rendit, ligjshmërisë e vet sovranitetit”.

Reagimi i plotë:

-Advertisement-

Telegram ngushëllimi

E nderuara familje Bunjaku,

Në emër të Lidhjes Demokratike të Kosovës, Dega Vushtrri, ju shprehi ngushëllimet më të thella për humbjen tuaj. Heroi i Kosovës Afrim Bunjaku ra në krye të detyrës në mbrojtje të lirisë e shtetësisë tonë.

Në këto momente të vështira për vendin, të gjithë jemi me Policinë e Kosovës. Jemi me djemtë e vajzat tona në detyrë në veri. Sulmet e bandave kriminale e terroriste me adresë nga Beogradi s’mund ta zmbrapsin Kosovën nga e drejta për vendosje të rendit, ligjshmërisë e vet sovranitetit.