Lajme

Tahiri: S’bëjmë pazare për policinë – VV-ja s’më ka thënë se nëse votohen marrëveshjet ndërkombëtare ata do ta votojnë rezolutën

Autori: Gazeta inFokus 17:01 | 19 October 2023

Deputetët e Lëvizjes Vetëvendosje sërish kanë refuzuar ta votojnë rezolutën në përkrahje të Policisë së Kosovës, e cila është propozuar nga Partia Demokratike e Kosovës.

Në lidhje me raportimet se VV-ja do ta përkrah rezolutën e PDK-së, nëse opozita i voton marrëveshjet ndërkombëtare, kryetari i grupit parlamentar të PDK-së, Abelard Tahiri, në një prononcim për Klankosova.tv tha se atij s’i është thënë asnjëherë një gjë e tillë.

“Ne nuk bëjmë pazare me Policinë e Kosovës. Ne refuzojmë që të bëjmë pazare për mbështetjen e policisë, ku ne kërkojmë shtesat e rrezikshmërisë, sigurim shëndetësor që nga janari i vitit të ardhshëm dhe pensionim të parakohshëm”.

-Advertisement-

“Mua, si kryetar i grupit parlamentar të PDK-së asnjëherë s’më është thënë se në rast se ne i votojmë marrëveshjet ndërkombëtare, atëherë VV-ja do ta votojë rezolutën. Por, po e përsëris, ne nuk bëjmë pazare sa i përket Policisë së Kosovës”, tha Tahiri, njofton Klankosova.tv.

Tutje, ai tha se që nga propozimi i kësaj rezolutë, PDK-ja s’ka pasur asnjë sinjal nga Lëvizja Vetëvendojse se ata do ta votojnë rezolutën e cila do ta përkrahte Policinë e Kosovës.

Subscribe në YouTube: GAZETA INFOKUSI