Lajme

Tahiri: Qeveria nuk ka guxim të ballafaqohet me të vërtetën, vendimi për librat është skandaloz

Autori: Gazeta inFokus 14:01 | 04 Shtator 2023

Shefi i Grupit Parlamentar të AAK-së, Besnik Tahiri ka thënë se sot si opozitë jemi bashku me kërku ballafaqim të së vërtetës lidhur me tekstet shkollore, sepse konsiderojmë se është bërë padrejtësi e madhe ndaj qytetarëve të Kosovës.

Tahiri shtoi se kjo qeveri nuk ka guxim për tu ballafaquar me të vërtetën.

“Mungesa e guximit për tu ballafaquar me të vërtetën. E vërteta është se kudo në secilin sektor që kjo qeveri dhe ky kryeministër ka prek aty ka qenë dështimi”, ka thënë Tahiri.

-Advertisement-

Ai shtoi se ne nëse është obligim ligjor që MASHTI tekstet me i dërgua në shkolla, atëherë përse ato nuk janë në shkolla po në librari.

“Ky vendim është skandaloz dhe i dëmshëm për qytetarët e Kosovës”, tha Tahiri.

Shefi i deputetëve të AAK-së, tha se mazhoranca ka qasje arbitrare dhe autoritare, e cila sipas tij është verbëruar në gërzhojën e mendimit politik të LVV-së.