Lajme

Tahiri po merr pjesë në sesionin plenar të Asamblesë Parlamentare të Këshillit të Europës

Autori: Gazeta inFokus 21:10 | 25 April 2022

Deputeti i Aleancës për Ardhmërinë e Kosovës, Besnik Tahiri po merr pjesë në sesionin plenar të Asamblesë Parlamentare të Këshillit të Europës.

“Sot, gjatë ditës, si në sesionin plenar të Asamblesë Parlamentare të Këshillit të Europës, po ashtu edhe në dy komisione, atë për çështje sociale dhe Komisionin e partive anëtare të EPP-së, pash për së afërmi se sa e rëndësishme është që Kosova ta përfundojë aplikimin sa më shpejtë”, ka shkruar ai.

Postimi i plotë:

Këshilli i Europës është një organizatë e rëndësishme për vendet anëtare dhe vendet aspiruese, siç është Kosova, mirëpo edhe komplekse në funksionimin e saj.

Sot, gjatë ditës, si në sesionin plenar të Asamblesë Parlamentare të Këshillit të Europës, po ashtu edhe në dy komisione, atë për çështje sociale dhe Komisionin e partive anëtare të EPP-së, pash për së afërmi se sa e rëndësishme është që Kosova ta përfundojë aplikimin sa më shpejtë.

Përkundër faktit që diskursi i diskutimit në Këshill ishte Ukraina, e shoh si shumë të mundshme me një plan serioz, me një komunikim strategjik që Kosova të bëhet anëtare.

Gjatë ditëve në vijim do të vazhdojë takimet sikur sot me deputetë të Parlamenteve të ndryshme të vendeve Evropiane që na kanë njohur dhe ato mosënjohëse.

Të tjera

Fokusi

lajme