Lajme

Tahiri pas mbledhjes së kryesisë: Shtatori duhet ta gjejë Kosovën me kryeministër të ri

Autori: Gazeta inFokus 11:31 | 27 May 2024

Sot është mbajtur mbledhja e kryesisë së Kuvendit të Kosovës. Pas kësaj mbledhjeje, Shefi i Grupit Parlamentar të Partisë Demokratike të Kosovës (PDK), Abelard Tahiri ka thënë se janë vetëm edhe dy ditë sipas Kushtetutës ku mund të vendoset që Kosova të shkojë në zgjedhje të parakohshme.

Tahiri ka deklaruar se gjëja më e mirë që mund të ndodhë do të ishte shpërbërja e Kuvendit në këto dy ditë në ëmnyre që zgjedhjet të mbahen në qershor ose në muajin korrik, shkruan Gazeta Infokus.

“…Sa i përket shpërndarjes së Kuvendit kanë mbetur edhe 2 ditë të dritares kushtetuese që vendit tonë t’i mundësohet që zgjedhjet të mbahen më 30 qershor ose 7 korrik. Këto dy ditë do t’i japin një epilog, e do të presim deri në momentin e fundit, që vendi të shkojë më zgjedhje të jashtëzakonshme që vjeshta ose shtatori ta zë vendin tonë me një kryeministër të ri që e nxjerr Kosovën nga kriza”, ka thënë deputeti i PDK-së.

-Advertisement-

Derisa ai ka dhënë sinjale se partitë kanë një reflektim sa i përket cështjes së zgjedhjeve të parakohshme përmes shpërbërjes së Kuvendit, derisa deri më tash kundër kësaj kanë qenë dy partitë opozitare, Lidhja Demokratike e Kosovës dhe Aleanca për Ardhmërine e Kosovës të cilat po kërkojnë dorëheqjen e Kurtit./Gazeta Infokus/

Subscribe në YouTube: GAZETA INFOKUSI