Lajme

Tahiri: Marrëveshjet ndërkombëtare pa konsensus politik nuk duhet të vijnë në Kuvend

Autori: Gazeta inFokus 15:49 | 22 February 2023

Shefi i grupit parlamentar të AAK-së Besnik Tahiri, ka thënë se marrëveshjet ndërkombëtare pa konsensus politik nuk duhet të vijnë në kuvend.

Po ashtu, Tahiri ka i ka thënë qeverisë se pesha më e madhe në buxhetin e Kosovës nuk ka qenë kurrë pagat në sektorin publik, ku keni dështuar me vlerën e koeficientit.

“Marrëveshjet ndërkombëtare pa konsensus politik nuk duhet të vijnë në kuvend!

-Advertisement-

Pesha më e madhe në buxhetin e Kosovës nuk ka qenë kurrë pagat në sektorin publik, ku keni dështuar me vlerën e koeficientit. AAK vlerëson se pesha më e rëndë dhe barra më e madhe për buxhetin janë skemat sociale. Dhe, kalimi i kësaj marrëveshje ka një rëndësi të madhe për një reformë të thellë, e cila nuk u elaborua kurrë.

Është tmerri i tmerrit që ky Kuvend sjell marrëveshje ndërkombëtare dhe nuk mund ta arrijë konsensusin për to. E kam thënë edhe në Kryesi të Kuvendit, që mos sillni marrëveshje ndërkombëtare në qoftë se nuk ka konsensus politik, sepse bëhemi gaz.

Votat e AAK-së i keni sa herë që të bini marrëveshje ndërkombëtare. Mirëpo, është shumë me rëndësi që të ndërtoni konsensus politik dhe mos dilni në foltore për të elaboruar çështje të cilat e prishin konsensusin. Është marre për këtë Kuvend të sillet kështu”, ka thënë Tahiri në Kuvendin e Republikës së Kosovës.

Subscribe në YouTube: GAZETA INFOKUSI
-Advertisement-

Të tjera

Fokusi

lajme