Lajme

Tahiri: Kurti po e turpëron shtetin e Kosovës para partnerëve ndërkombëtarë

Autori: Gazeta inFokus 08:56 | 26 December 2024

Ish-zëvendëskryeministrja e Kosovës, Edita Tahiri, ka kritikuar kryeministrin Albin Kurti për dëmtim të imazhit të Kosovës.

Ajo ka treguar se një nga veprimet e pushtetit që ka dëmtuar imazhin e Kosovës është edhe “loja” me moscertifikimin e Listës Serbe.

Në profilin e saj në “Facebook”, Tahiri ka shkruar se Kurti nuk ka luajtur ndonjë rol në lirinë e Kosovës.

-Advertisement-

“Lirine e sollem per gjithe qytetaret e Kosoves, politikanet si Kurti qe nuk luajten rol per lirine, po demtojne imazhin e shtetit te lire, demokratik, sovran te Kosoves – njehere nuk certifikojne ca subjekte politike per zgjedhje pastaj detyrohen ta bejne – Nuk eshte hera e pare qe ky kryeminister qe turperon shtetin tone para partnereve ndërkombëtar”, ka shkruar Tahiri.

Kujtojmë se gjatë ditës së djeshme Paneli Zgjedhor për Ankesa dhe Parashtresa (PZAP) ka aprovuar ankesën e Listës Serbe dhe ka vendosur që ta hedhë poshtë vendimin e KQZ-së për mosceritfikimin e këtij subjekti politik.

PZAP ka urdhëruar Komisionin Qendror të Zgjedhjeve që të ceritifkojë subjektin politik “Lista Serbe” dhe kandidatët e saj për deputet për zgjedhjet e 9 shkurtit 2025.

Anëtarët e Lëvizjes Vetëvendosje në KQZ, në mbledhjen e KQZ-së të datës 23 dhjetor, votuan kundër certifikimit të Listës Serbe për zgjedhjet e 9 shkurtit të vitit të ardhshëm. Në mbledhje, i vetmi që votoi pro certifikimit të këtij subjekti politik ishte kryetari i KQZ-së, Kreshnik Radoniqi.

Partitë tjera opozitare nuk morën pjesë në votim.

Subscribe në YouTube: GAZETA INFOKUSI
Vetëm edhe 4 ditë nga Bootcamp me Alan Greenberg, ish-Drejtorin për Edukim në Apple, Apliko Tani
-Advertisement-

Të tjera

Fokusi

lajme