Lajme

Tahiri kritikon Kurtin: Në emër të shtrirjes së sovranitetit, zgjedhjet në veri i bëri subjekt ndërkombëtar

Autori: Gazeta inFokus 16:49 | 12 Shtator 2023

Shefi i Grupit Parlamentar të Aleancës për Ardhmërinë e Kosovës (AAK), Besnik Tahiri, ka kritikuar kryeministrin Albin Kurti për qasjen në dialogun me Serbinë.

Ai ka thënë se Kurti për më shumë se dy vjet e ka përdorur dialogun si formë për zhvendosjen e vëmendjes publike nga sfidat dhe problemet e brendshme.

“Kjo qeveri në emër të shtrirjes së sundimit të ligjit dhe sovranitetit në komunat veriore, prodhoi efektin e kundërt nga ky synim dhe proklamim, i bëri subjekt ndërkombëtar zgjedhjet lokale si dhe vet funksionimin operativ të institucionit policor”, ka shkruar Tahiri në Facebook.

-Advertisement-

“Si për secilin shtet të konsoliduar, është e ditur që fuqia e vërtetë e një vendi në rrafshin e jashtëm, qoftë rajonal ose ndërkombëtar, qëndron pikërisht në logjikën e kundërt nga logjika e kësaj qeverie. Nuk mund të kesh pozicion të fortë përfaqësues dhe dialogues, kur nuk keni qeverisje efikase dhe zhvillimore”.

Tutje, ai ka thënë se Qeveria Kurti për më shumë se dy vjet, “përmes taktizimit arriti ta prish konsensusin perëndimor për epilogun përfundimtar dhe dinamikën e dialogut”.

“Serbia doli përfituese dhe arriti të shmang sanksionet, dhe nga një agjendë madhore me interes strategjik, arriti të vendos në tavolinë temat si zgjedhjet, depërshkallëzimi, sekuencimi. Serbia pra përfitoi nga polarizimi i opinionit ndërkombëtar”.

“Kjo qeveri përmes taktizimit në dialog, thjesht e zëvendësoi një populizëm opozitar me një populizëm qeveritar. 14 shtatori është taktika e tij e radhës!”, ka përfunduar Tahiri.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy