Lajme

Tahiri: Institucionet po udhëhiqen nga dikush që s’ka mandat e as pozitë

Autori: Gazeta inFokus 15:41 | 17 October 2024

Shefi i Grupit Parlamentar nga Partia Demokratike e Kosovës, Abelard Tahiri, ka akuzuar Lëvizjen Vetëvendosje se janë duke u komanduar nga persona që s’kanë asnjë kompetencë në Qeverinë Kurti.

Përmes një postimi në Facebook, Tahiri ka pyetur se si mund të besohet dikush që s’ka as mandat e as pozitë.

“Si mund t’iu besojnë qytetarët institucioneve, kur në prapavijë të tyre komandon dikush tjetër. Dikush që s’ka as mandat, as pozitë, as autorizim e rrjedhimisht, nuk jep as llogari për veprat e veta. E mosbesimi, është hapi i parë i rënies së një shteti modern. Megjithatë, qytetarët e Kosovës gjithmonë kanë ditur ta bëjnë diferencën, kur është fjala për atë çka na përbashkon në fatin tonë kolektiv – sigurinë dhe perspektivën e Kosovës”, ka shkruar Tahiri.

-Advertisement-

Madje sipas Tahiri, qytetarët e kanë në dorë të vendosin për të ndryshuar situatën në zgjedhjet e 9 shkurtit.

“Duke i çliruar institucionet nga kapelat e zeza. Ata duan qeverisje të hapur, transparente, llogaridhënëse e me perspektivë”, ka përfunduar Tahiri.

 

Subscribe në YouTube: GAZETA INFOKUSI
Etiketa:
Vetëm edhe 4 ditë nga Bootcamp me Alan Greenberg, ish-Drejtorin për Edukim në Apple, Apliko Tani
-Advertisement-

Të tjera

Fokusi

lajme