Tahiri garanton proces fer dhe transparent në përzgjedhjen e drejtorit të Institutit të Mjekësisë Ligjore
Autori: Gazeta inFokus 13:47 | 08 March 2018
Ministri i Drejtësisë, Abelard Tahiri, së bashku me shefen e Misionit të Bashkimit Evropian për Sundimin e Ligjit në Kosovë (EULEX), Alexandra Papadopoulou dhe ambasadorin e Mbretërisë së Bashkuar në Kosovë, Ruari O’Connell, kanë vizituar sot Institutin e Mjekësisë Ligjore.
Duke pasur parasysh rëndësinë që ka ky institucion në aspekte shumë të ndjeshme të shoqërisë, e sidomos në trajtimin e çështjeve siç është ajo e personave të zhdukur, ministri Tahiri ka bërë të ditur se nga një departament i Ministrisë së Drejtësisë, Instituti i Mjekësisë Ligjore është shndërruar në agjenci.
Ministri Tahiri ka falënderuar Ambasadën e Mbretërisë së Bashkuar, e cila në bazë të marrëveshjes që ka me Qeverinë është angazhuar në konkursin për përzgjedhjen e drejtorit të këtij Instituti. Meqenëse konkursi nuk ka qenë i suksesshëm dy herë për shkak të mungesë të aplikuesve të mjaftueshëm që kanë plotësuar kriteret e caktuara, ministri Tahiri ka bërë publikisht thirrje për të gjithë ata që plotësojnë kushtet që të aplikojnë me rastin e shpalljes së konkursit për herë të tretë, duke garantuar se i gjithë procesi do të jetë fer dhe transparent.
Ministri Tahiri ka potencuar nevojën që fuqizimi i këtij Instituti tash të vazhdoj edhe me shkollimin e kuadrove të reja në fushat deficitare që këtij instituti i mungojnë.
“Si Qeveri e Republikës së Kosovës, jemi të interesuar që t’i ngrisim kapacitetet. Jam i interesuar që të angazhohemi bashkërisht të investojmë në kuadro të reja, kemi deficit të kuadrove për shumë arsye. Si ministër i Drejtësisë do të mundohem t’i mobilizoj të gjitha resurset relevante, që të gjejmë forma dhe burime financimi për bursa në shkollimin e të rinjve tanë në fushat specifike deficitare të mjekësisë ligjore, që nesër t’i kemi pranë këtij instituti” ka thënë ministri Tahiri.
Nga ana e saj, shefja e Misionit të Bashkimit Evropian për Sundimin e Ligjit në Kosovë (EULEX), Alexandra Papadopoulou, ka falënderuar ministrin për iniciativën në plotësimin e kapaciteteve të këtij Instituti.
“Dua të falënderoj ministrin për angazhimin e tij në iniciativën për të plotësuar kapacitetet e Institutit. Pasi EULEX-i është duke u tërhequr ngadalë, jemi duke kërkuar partnerë kredibil dhe kompetentë për t’i dorëzuar lëndët tona, dhe për të punuar me ta për t’i shërbyer sa më mirë qytetarëve të Kosovës” ka thënë Papadopoulou.
Për ambasadorin e Mbretërisë së Bashkuar në Kosovë, Ruari O’Connell, anulimi dy herë i konkursit për Drejtor të Institutit, tregon përkushtimin për gjetjen e një drejtori të mirë.
“Për mua ky nuk është dështim, për mua ky fakt tregon që Qeveria e Republikës së Kosovës ka qenë serioze për të gjetur drejtorin e mirë nga një fushë e gjerë e kandidatëve. Kjo është shumë e rëndësishme, jo vetëm për këtë institucion, por gjithashtu për parimin në Kosovë, që rekrutimi duhet të bëhet në bazë të meritës” ka thënë ambasadori.
Vetë drejtori i Institutit të Mjekësisë Ligjore, Arsim Gërxhaliu, ka falënderuar për mbështetjen që ka marrë ky Institut.
“Jam i kënaqur me ndërhyrjet e shpejta të Ministrit i cili është i interesuar që ky Institut të merr kahjen e duhur” ka thënë ai.
Të tjera
-
Hamza e sfidon Kurtin për t’u përballur: Kur të don, i garantoj debat të edukuar
I nominuari për kryeministër nga PDK, Bedri Hamza i ka bërë ftesë kryeministr...
-
“Angazhim pas anëtarësimit për Kosovën”| Komiteti i KiE përmend çështjen e Asociacionit, ky është adresimi
Komiteti për Politikë dhe Demokraci i Këshillit të Evropës ka miratuar raport...
-
Liberalizimin e vizave e Këshillin i Evropës, Kurti i cilëson si suksese të qeverisjes së tij
Kryeministri i Kosovës, Albin Kurti e ka lavdëruar qeverisjen e tij për sukse...
-
Nesër Kosova dhe Mali i Zi nënshkruajnë marrëveshje për bashkëpunim ndërkufitar
Nesër nga ora 13:30 Kosova dhe Mali i zi do të nënshkruajnë marrëveshje për P...
-
Ky është polici i suspenduar në Gjakovë, dyshohet se kontrabandoi mallra me veturë private
Inspektorati Policor i Kosovës ka njoftuar sot se ka suspenduar një zyrtar po...
-
Hamza kritikon Kurtin: Qeveria e tij ende s’e preu asnjë shirit të investimeve kapitale
Kandidati për kryeministër nga radhët e Partisë Demokratike të Kosovës, Bedri...
-
PDK i kthen në Kryesi deputetët dhe kryetarët e komunave, vend të rëndësishëm i jep edhe aderimit më të ri
Partia Demokratike e Kosovës e ka marrë shumë seriozisht mobilizimin për zgje...
-
Nënkryetarja e PE-së: Sanksionimi vetëm i Kosovës në mosmarrëveshjen me Serbinë, sinjal kontradiktor nga KE-ja
Zgjedhjet evropiane të vitit 2024 do të përcaktojnë kursin për një sërë gjëra...
-
Lladrovci për Hamzën: Kandidaturë e kompletuar, gëzon respektin e përkrahjen edhe nga aleatët tanë historikë
Kryetari i komunës së Drenasit, Ramiz Lladrovci, ka postuar fjalimin që ai ka...
-
Frashër Krasniqi i shkon në tavolinë Mujës të VV’së: A po ju vjen marre që e pranuat “Zajednicën”, për KiE
Aktivisti i Partisë Socialdemokrate (PSD) Frashër Krasniqi, i ka shkuar në ta...
-
Abdixhiku e rikthen fjalimin në Kuvend – akuza Qeverisë për “tenderët sekretë”
Kryetari i Lidhjes Demokratike të Kosovës (LDK), ka folur në Kuvend të Kosovë...
-
Aksioni mbi kontrollin e transportuesve të udhëtarëve, shqiptohen dhjetëra gjoba – konfiskohen targa e vetura
Inspektorati i Kryeqytetit njofton se po vazhdon aksionin e kontrollit të tra...