Lajme

Tahiri: AKR nesër vendos se me kënd bën koalicion

Autori: Gazeta inFokus 11:30 | 30 Qershor 2017

Ndonëse i qitën vija të kuqe PDK-së për mos qeverisur me ta, AKR tani hap mundësinë të bashkëqeverisjes me çdonjërën nga partitë politike përfshirë edhe koalicionin PAN.

Deputeti i zgjedhur nga radhët e AKR-së, Labinot Tahiri, në një prononcim për lajmi.net nuk e përjashtoi mundësinë që ARK të bashkohet me PAN-in, apo Vetëvendosjen.

“Partia nesër ka një mbledhje dhe ne i bashkohemi atyre që udhëheqin me Kosovën dhe që janë shqiptarë”, ka thënë Tahiri.

-Advertisement-

Ai tha, se vetëm me serbët nuk do të flasin për një bashkim të mundshëm, pasi ata janë kundër Kosovës, por lë të hapur mundësinë për bashkim më partitë të tjera.

“Sa herë që ka shqiptarë që duan të udhëheqin për Kosovën unë jam me ta, s’mundem me dal kundër tyre, kundër neve janë vetëm serbët”, është shprehur ai.

Tahiri la të kuptojmë se nesër në mbledhjen e partisë së AKR-së, do të merret vendim se çfarë do të veprojë partia tani e tutje.

“Mundësit janë edhe partitë tjera, Vetëvendosje e të tjera, por këto gjëra i vendos vetëm partia”, tha në fund ai.

Komisioni Qendror i Zgjedhjeve (KQZ) publikojë dje (e enjte) rezultatet përfundimtare të zgjedhjeve të 11 qershorit, ndërsa Labinot Tahiri arriti të sigurojë ulëse në Kuvend duke marr 15,563 vota nga qytetarët e Kosovës.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy