Opinione

Ta luftojmë propaganden serbe me Inteligjence Artificiale

Autori: Halil Berisha 11:44 | 31 March 2025

Luftën me armë serbia e ka humb kundër Kosovës, po asnjëherë nuk e ka ndal luftën përmes propagandës.

Ky edhe specialitet i vucic si ish-ministër i propagandës milloshevic, ai ka të angazhuar propagandën prej zyrës së tij, e deri te “botët” nëpër rrjetet sociale!

“Ai që kontrollon të kaluarën, kontrollon të ardhmen. Ai që kontrollon të tashmen, kontrollon të kaluarën”, thotë George Orwell, e serbia tenton të kontrolloj të kaluarën, duke kontrolluar të tashmen.

-Advertisement-

Kryesisht target i propagandës janë mohimi i krimeve serbe në Kosovë – sikur mohimi i masakrës së Reçakut, duke e paraqitur si manipulim, e se nuk kishte civil të vrarë, e deri te paraqitja e shqiptarëve si ekstremist e kriminel.

Këtij mentaliteti më së miri i përshtatet thënia e propagandistit kryesor të Hitlerit, Goebbels: “Nëse e thua një rrenë të madhe dhe vazhdon ta përsëritësh, njerëzit do të fillojnë ta besojnë”.
Por ne kemi të vërtetën në anën tonë, e tash edhe një armë më të fuqishme se çdo propagandë serbe, Inteligjencën Artificiale.

GROK, inteligjenca artificiale e Twitter, qe disa javë ka vënë në punë një funksion që ka qëllim luftimin e dezinformimit.

Në çdo postim propagandues, prej vucic e deri tek secili propagandues tjetër, tash ne mund t’ua përplasim faktet në fytyrë, duke komentuar me tagun “@grok” dhe kërkesën për të treguar të vërtetën, dhe treguar dezinformimin që u bë në postim.

Pra si shembull, në secilin post që mohohet masakra e Reçakut, ne mund t’i kërkojmë Grok-ut ta tregoj të vërtetën dhe do të fitojmë argumentin, pa hyrë në argument.

Të bëhemi bashkë, e ashtu siç e kemi kontrolluar të kaluarën, ta kontrollojmë edhe të tashmen. Kjo është veçanarisht e rëndësishme në kohën e (dez)informimit që po jetojmë.

Të kontribuojmë krejt që ta fitojmë edhe luftën pa armë!

Kushdo që ka nevojë për ndihmë në përdorimin e kësaj mundësie fantastike më shkruani dhe e bëjmë bashkë!