Lajme

Sylë Hoxha paralajmëron, këtë muaj aktakuzat e para për rastin “Ivanoviq”

Autori: Gazeta inFokus 13:51 | 01 November 2019

Oliver Ivanoviq, politikani i ndjerë serb, u vra më 16 janar të vitit të shkuar para zyrës së partisë së tij, Iniciativa Qytetare, “SDP”, në veri të Mitrovicës.

Nga ajo kohë, nuk është ngritur asnjë aktakuzë për vrasësit e tij.

Kjo, pavarësisht se ka pasur disa arrestime e bastisje, e të cilat bën jehonë goxha të madhe në rajon.

-Advertisement-

Madje, një nga të dyshuarit për gisht në vrasjen e serbit, është edhe nënkryetari i Listes Serbe, Milan Radojciq, shkruan gazeta inFokus.

Për këtë të fundit, njësitet speciale të Policisë së Kosovës, patën shkuar në veri, ta arrestojnë, por i njëjti kishte ikur më herët për në Serbi.

Megjithatë, për këtë punë, pati edhe arrestime, bastistje e intervistome të ndryshme.

Madje, edhe të zyrtarëve policor në veri të vendit.

Por, si duket, tani, shumë shpejt do të ngrihen edhe aktakuzat e para për këtë rast.

Këtë e ka thënë vet prokurori special, Sylë Hoxha.

“Këtë muaj – aktakuzat do të ngrihen brenda 15-20 ditëve të ardhshme,” tha për Kossev prokurori Sylë Hoxha.

Tutje, Hoxha, ka shtuar se prokuroria ka informata të reja në lidhje me vrasjen e Ivanoviq, por që do të bëhen të ditura për publikun, kur të ngritën aktakuzat.

E deri tash shtatë persona akuzohen për përfshrirje në vrasjen e tij./Gazeta inFokus/

Subscribe në YouTube: GAZETA INFOKUSI
Etiketa:
Afati i fundit për regjistrime në programin MSc. Data Science & Analytics në UNI – Universum International College – Powered…
-Advertisement-

Të tjera

Fokusi

lajme