Lajme

Syla i ashpër me Ramën: E ka bo bagël me komunikacion në Prishtinë

Autori: Gazeta inFokus 18:11 | 22 March 2023

Gazetari Valon Syla, e ka kritikuar ashpër kryetarin e Komunës së Prishtinës, Përparim Ramën, për gjendjen e komunikacionit në kryeqytet.

Përmes një postimi në Facebook, gazetari Syla ka thënë se ka pritur më shumë nga Rama duke qenë se ai është arkitekt me profesion.

“A po kfillësh, apo po të nevojitet ndoshta një shok terapi mediatike. Je arkitekt… kam prit ma shumë, per do kalldërëm në mes të qytetit për një shëtitore që nuk shëtitë askush, nuk bllokohet një qytet i tanë… kfillu se e ke bo Prishtinën edhe ma të pa jetushme”, ka shkruar ai.

-Advertisement-

Gjithashtu, ai i është drejtuar Ramës duke e pyetur nëse e ka për qëllim që ta bëjë kryeqytetin edhe më të pa banueshëm se sa që sipas Sylës ka qenë nën qeverisjen e Lëvizjes Vetëvendosje.

“A po i kallxon dikush Përparim Ramës që e ka bo bagël me komunikacion në Prishtinë.

Z. Rama a është misioni yt me bo Prishtinën edhe ma të pa banueshme se sa që ka qenë me VV?

Mos e ke bo njet me na kthy Vetëvendosjen në Kryeqytet përsëri?”, ka shkruar Syla.

Subscribe në YouTube: GAZETA INFOKUSI