Lajme

Sveçla thotë se kanë ndërmarrë një sërë veprimesh ligjore për rregullimin e statusit të zjarrfikësve

Autori: Gazeta inFokus 14:39 | 13 December 2021

Ministri i Punëve të Brendshme, Xhelal Sveçla, deklaroi se si ministri kanë ndërmarrë një sërë veprimesh në rregullimin e kornizës ligjore me qëllim të përmirësimit të statusit dhe kushteve të punës për zjarrfikësit.

Sveçla u shpreh se zjarrfikësit janë një kategori jashtëzakonisht me rëndësi, por që tha se fatkeqësisht në vazhdimësi janë ballafaquar me vështirësi të ndryshme.

Ai tha se në planin e ministrisë që e udhëheq është reformimi rrënjësor i Agjencisë për Menaxhim të Emergjencave, derisa u shpreh se në buxhetin e vitit 2022, është alokuar një shumë për blerjen e pajisjeve për zjarrfikësit në mënyrë që kushtet e tyre të punës të përmirësohen.

-Advertisement-

“Janë marrë një sërë veprimesh në rregullimin edhe të kornizës ligjore me qëllim të përmirësimit të statusit dhe të kushteve të punës. Ligji për zyrtarët publik i cili është në rishikim do të qartësojë statusin legal të zjarrfikësve, Ligji për paga do të trajtojë problemin e vazhdueshëm të pagave të ulëta për zjarrfikësit me qëllim të trajtimit dinjitoz dhe të barabartë për këtë kategori. Ligji për Agjencinë e Menaxhimit të Emergjencave është në rishikim nga grupi punues, i cili gjithashtu do të trajtojë problemet me të theksuara me të cilat ky shërbim është përballur deri më tani, siç është edhe krijimi i mbrojtjes civile”, tha ai.

Pas kësaj, deputetët e Kuvendit të Kosovës kanë shkuar në pauzë deri në orën 15:00.

Subscribe në YouTube: GAZETA INFOKUSI
Etiketa:
Super Zbritje në Artmotion
-Advertisement-

Të tjera

Fokusi

lajme