Lajme

Sveçla për limonadë e ushqim në Veri, te tavolina i afrohet politikani serb – biseda mes tyre inçizohet

Autori: Gazeta inFokus 17:04 | 12 July 2024

Ministri i Brendshëm, Xhelal Sveçla, bashkë ministrin e Administrimit të Pushtetit Lokal, Elbert Krasniqi, kryetarin e Mitrovicës së Veriut, Erden Atiq, zëvendësdrejtorin e Policisë së Kosovës për rajonin e veriut, Veton Elshani, si dhe ish-kryetarin e Mitrovicës, Agim Bahtiri, sot kanë qenë në një lokal në veri të Mitrovicës për limonadë.

Në mes të bisedës së tyre, një politikan i ri serb, Aleksandar Arsenijeviq, i Demokracisë Serbe, iu afrua për ta pyetur rreth pretendimeve të tij për “rrahje të serbëve” nga Policia e Kosovës.

Për ta mundësuar bisedën mes Sveçlës e Arsenijeviq u kujdes Elshani, i cili u dëgjua duke folur me sigurimin e ministrit. “Mos e ngucni”, i tha ai sigurimit.

-Advertisement-

Ai tha se në një rast gjatë “Vidovdanit” u sulmua dhe policët prezentë nuk reaguan.

“Mirëdita ministër, si jeni? A duam ta zgjidhim këtë çështje që policia juaj të mos i rrahë më këta qytetarët tanë në veri?”, e ka pyetur Arsenijeviq ministrin Sveçla.

Sveçla i tha se në rast kur ndonjë polic i tejkalon detyrat e tij është Inspektorati Policor që merret me rastet.

Arsenijeviq më pas e pyeti: “A do të ndryshojë diçka për mirë për ne serbët këtu në veri?”.

Sveçla i tha se “gjithçka do të bëhet më mirë”.

“Për shembull? A nuk do të rrahë më policia qytetarët?”, e pyeti Arsenijeviq

“Policia nuk ka rrahur kurrë”, i tha Sveçla.

“Si mund të jetë?” Stevanoviq, më rrahën tri herë. Epo, ju e keni videon”, vazhdoi Arsenijeviq.

“Ka ndonjë polic që mund të kapërcejë detyrën e tij dhe për këtë është Inspektorati Policor”, i tha Sveçla.

Në fund i ka kërkuar që të caktojë një kohë për të biseduar, sepse tani ka ardhur për të “ngrënë diçka”.

Subscribe në YouTube: GAZETA INFOKUSI
Etiketa:
MYZHDE për krejt!
-Advertisement-

Të tjera

Fokusi

lajme