Lajme

Sveçla: Pa sanksionimin e Serbisë për terrorin e 24 shtatorit, stimulohen akte të tilla

Autori: Gazeta inFokus 21:16 | 24 Tetor 2023

Ministri i Brendshëm, Xhelal Sveçla, ka shkruar për 1 mujorin e sulmit terrorist të Beogradit në Banjskë, me qëllim aneksimi i Veriut të Kosovës, ku mbeti i vdekur polici Afrim Bunjaku.

Sveçla tha se me këtë sulm, Serbia dëshmoi se nuk i ka harruar ambiciet e saj për ta zbehur territorin e Kosovës, e që datojnë qysh prej kohës së Millosheviqit.

“Të gjitha faktet që dëshmojnë përfshirjen e plotë të Serbisë në këtë sulm terrorist i kemi ofruar për qytetarët tanë e për opinionin ndërkombëtar. Me këtë sulm, Serbia rikonfirmoi që ambiciet e saj për territorin tonë as nuk i ka zbehur as nuk i ka harruar që nga koha e kasapit të Ballkanit Millosheviq”, ka shkruar në Facebook.

-Advertisement-

Mungesa e sanksionimit të Serbisë, Sveçla thotë se stimulon akte të tilla terroriste.

“Me 24 shtator Republika jonë triumfoi kundër terrorit të Serbisë. Pa sanksionimin e Serbisë dhe ndëshkimin e 24 shtatorit e ardhmja nuk është e përcaktuar qartë për paqe dhe demokraci në rajon. Pa sanksionim të Serbisë në fakt stimulohen akte të tilla që cenojnë integritetin e shteteve fqinje”.

Në fund, Ministri i Brendshëm ka kujtuar edhe policin Afrim Bunjaku.

“Heroi Afrim Bunjaku me rënien e tij në ballafaqim me grupet terroriste mbrojti vendin tonë e qytetarët tanë si dhe shpërfaqi kriminalitetin e terrorizmin e sponsorizuar nga Serbia që e kemi thënë prej kohësh”.

Postimi i plotë:

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy