Lajme

Sveçla në BBC tregon si ndodhi sulmi terrorist ndaj policisë, pyetet edhe nëse Kosova do të kthehet në dialog

Autori: Gazeta inFokus 09:49 | 26 September 2023

Ministri i Brendshëm, Xhelal Sveçla, ka shpjeguar në BBC se si ndodhi ngjarja e 24 shtatorit ku mbeti i vrarë polici Afrim Bunjaku nga një sulm terrorist.

Sveçla tregoi se ishin njësi normale të policisë që po bënin punën e tyre të zakonshme kur u përballën me sulmin terrorist.

BBC pati një pyetje për ministrin Sveçla rreth mundësisë së përkeqësimit të situatës dhe nëse Kosova do të kthehet në tavolinën e dialogut.

-Advertisement-

“A frikësoheni nga rikthimi i dhunës së tmerrshme të të 90-ave apo ka një rrugë kthimi në tavolinën negociuese”, pyeti BBC.

“Ka një rrugë kthimi në negociata. Padyshim që ajo që duam të bëjmë është që të sigurojmë që të gjithë të ndihen të sigurt dhe ne sigurojmë sundim të ligjit dhe siguri për secilin qytetar, pavarësisht etnisë”, u përgjigj Sveçla.



Anëtarësohu në grupin e Infokus në Viber: GAZETA INFOKUS – VIBER – ANTARËSOHU

Dhe në grupin e Infokus në Facebook: GAZETA INFOKUS – FACEBOOK – ANTARËSOHU

Etiketa:
Coffee Show B2B në Zagreb nga Devolli Corporation

Të tjera

Fokusi

lajme