Lajme

Sveçla kujton Arbënor Deharin: Ishte modeli i aktivistit modest e të vendosur – motiv për të gjithë ne

Autori: Gazeta inFokus 13:44 | 11 June 2024

Ministri i Punëve të Brendshme Xhelal Sveçla, e ka kujtuar aktivistin e VV-së Arbënor Deharin, në 10-vjetorin e vdekjes së tij.

Ai tha se i ndjeri ishte model i një aktivisti modest e të vendosur, dhe se ishte shembull.

“Në historikun 19 vjeçar të Lëvizjes sonë qëndron angazhimi i pashoq i Arbënorit, aktivistit të pandalshëm në çdo organizim të saj. Ai ishte modeli i aktivistit modest e të vendosur i cili ishte motiv për të gjithë ne, për shoqet e shokët e tij”, shkroi Sveçla në Facebook.

-Advertisement-

“Arbënorin do ta kujtojmë gjithmonë për guximin, dijen e vullnetin e tij, për angazhimin pa kursim për barazi, drejtësi e mirëqenie për të gjithë. Arbënor Dehari do të jetë përjetësisht udhërrëfyes në punën tonë të përditshme, në përpjekjet tona për qytetarët tanë e për ngritjen dhe forcimin e shtetit tonë”, shtoi ai.

Subscribe në YouTube: GAZETA INFOKUSI
Afati i fundit për regjistrime në programin MSc. Data Science & Analytics në UNI – Universum International College – Powered…

Të tjera