Lajme

Sveçla e Mehaj në Jarinjë e Bërnjak: Jemi të përkushtuar për sundim të ligjit në çdo cep të vendit

Autori: Gazeta inFokus 17:19 | 04 June 2022

Ministri i Brendshëm Xhelal Sveçla dhe ministri i Mbrojtjes, Armend Mehaj, kanë vizituar pikat kufitare në Jarinjë e Bërnjak.

Këtë e ka bërë të ditur ministri i Brendshëm, Sveçla përmes një postimi në Facebook.

Ai ka shkruar se luftimi i kontrabandës dhe kontrolli efikas kufitar nga policia e Kosovës po prodhojnë rezultate të dukshme.

“Bashkë me Ministrin e Mbrojtjes Armend Mehaj sot ishim në Jarinje e Bërnjak. Angazhimi i shtuar dhe i pandalshëm i Njësiteve të Policisë së Kosovës, luftimi i kontrabandës dhe kontrolli efikas kufitar po prodhojnë rezultate të dukshme. Vizitova dy pikat kufitare në të cilat po vijon poashtu zbatimi i marrëveshjeve. Mbesim të përkushtuar për ngritje dhe forcim të kapaciteteve tona drejt qëllimit tonë për sundim të rendit dhe ligjit në çdo cep të vendit tonë”, ka shkruar ai.

Të tjera