Lajme

Susuri: Do të shënojmë rezultate pozitive në testin PISA

Autori: Gazeta inFokus 12:40 | 25 March 2018

Mobilizimi i Ministrisë së Arsimit, drejtorive komunale, shkollave, si dhe informacioni i shpërndarë tek nxënësit për rëndësinë e testit PISA, sipas kryesuesit të komisionit për mbikëqyrjen e testit PISA 2018, Skender Susurit janë elemente që do të sigurojnë se në këtë test Kosova do të shënojë rezultate të mira.

Susuri në një intervistë për KosovaPress është shprehur i bindur se vendi do të rangohet më mirë sesa në vitin 2015, e kjo sipas tij është si pasojë e punës që e kanë bërë.Arsye që Kosova do të rangohet më mirë në testimin ndërkombëtar PISA 2018, sipas kryesuesit të komisionit është edhe informacioni i plot që nxënësit kanë marrë.

Ministria e Arsimit, Shkencës dhe Teknologjisë në vazhdën e përgatitjeve për këtë testim, me nxënësit që do t’i nënshtrohen testimit ka bërë edhe disa teste provuese, ku përmes këtyre testimeve provuese nxënësit kanë pasur mundësinë që të familjarizohen me natyrën e pyetjeve, si dhe të përshtaten me atë që këtë herë testimi do të mbahet në mënyrë elektronike.4

-Advertisement-

Kryesuesi i Komisionit për testin PISA, Skender Susuri ka thënë se mbetet të shihet se sa iu kanë ndihmuar këto përgatitje.Udhëzimi administrativ që MAShT ka bërë së bashku me komisionin për mbikëqyrje të testit PISA, sipas kryesuesit Skender Susuri, iu ka bërë më të qartë detyrat e gjithsecilit në përgatitje të këtij testi.

Madje ai thotë se nëse ata punojnë dhe angazhohen siç është përcaktuar me këtë udhëzim, atëherë rezultatet do të jenë evidente. Ai ka treguar edhe atë se çka kanë bërë ndryshe këtë herë krahasuar me komisionin për PISA 2015.Testimi ndërkombëtar PISA në Kosovë do të mbahet nga 11 prilli deri më 5 maj, ku në këtë testim do të marrin pjesë 5 mijë e 370 nxënës nga 211 shkolla nga e gjithë Kosova.