Lajme

Suspendohet një zyrtar policor

Autori: Gazeta inFokus 08:15 | 26 June 2023

Inspektorati Policor i Kosovës ka njoftuar se një zyrtar policor është suspenduar sot me rekomandim të IPK-së nga Policia e Kosovës.

Sipas njoftimit hetuesit e IPK-së kanë pranuar informacione sot lidhur me dyshimin se një zyrtar policor i Njësisë së Reagimit të Shpejtë – Drejtoria Rajonale Policore – Mitrovicë e Jugut është i dyshuar për fotografim apo incizim të paautorizuar.

Tutje thuhet se hetuesit kanë ndërmarrë disa veprime hetimore kurse si pjesë e procedurave administrative, krahas hetimit që po zhvillohet zyrtari policor është suspenduar.

-Advertisement-

Hetuesit e IPK-së do të vazhdojnë të ndërmarrin edhe veprime të tjera hetimore drejt ndriçimit të plotë të këtij rasti në konsultim me prokurorin kompetent dhe në përputhje me autorizimet ligjore të Inspektoratit Policor.

Subscribe në YouTube: GAZETA INFOKUSI