Lajme

Suspendohen katër policë për rastin e vrasjes së shtatzënës, Sveçla: Ka dyshime të bazuara për vepra penale

Autori: Gazeta inFokus 14:56 | 03 December 2022

Ministri i Punëve të Brendshme, Xhelal Sveçla, ka njoftuar se janë suspenduar katër zyrtarët policorë të Stacionit të Policisë në Lipjan, në mesin e të cilëve është edhe Komandanti i këtij stacioni, lidhur me zbatimin e Urdhrit-mbrojtës që Gjykata Themelore e Ferizajt kishte lëshuar për Hamide Magashin, e cila të mërkurën u vra nga bashkëshorti i saj, Sokol Halili, i cili dje bëri vetëvrasje.

Përmes një postimi, ai ka thënë se bazuar në hetimet e deritanishme ekziston dyshimi për veprat penale “Keqpërdorim i pozitës dhe autoritetit zyrtar” dhe “Falsifikim i dokumentit zyrtar”.

“Me këtë rast, IPK ka rekomanduar suspendimin e 4 zyrtarëve policor nga Stacioni Policor në Lipjan ndërsa nga Drejtoria Rajonale e Prishtinës është zbatuar ky rekomandim.

-Advertisement-

Po ashtu, të gjeturat e deritashme do të përcillen në prokurori për trajtim penal”, ka shkruar ministri./Gazeta Infokus/

Subscribe në YouTube: GAZETA INFOKUSI
Meridian Express hap marketin e ri në qytetin e Mitrovicës Veriore!
-Advertisement-

Të tjera

Fokusi

lajme