Lajme

Surinami e njohu Kosovën, e tërhoqi njohjen për “Kosovë dhe Metohi”: A është pavarësia proces i kthyeshëm? (Foto/Video)

Autori: Gazeta inFokus 19:31 | 04 November 2017

Javën që po lëmë pas, përfaqësuesit e Serbisë dhe mediat atje kanë shkruar se Beogradi ka lobuar që shteti i Surinamit ta tërheq njohjen e pavarësisë së Kosovës.

Në Qeveri thonë se ende nuk ka arritur një dokument i tillë që i vërteton pretendimet e Serbisë.

Ndërkaq, opozita vlerëson se Qeveria duhet të jetë syçelë në thellimin e marrëdhënieve bilaterale me vendet që e kanë njohur Kosovën dhe me ato vende që nuk e kanë bërë një gjë të tillë ende.

-Advertisement-

Deputetja e LDK-së, Vjosa Osmani, megjithatë thotë se pavarësia e Kosovës proces i pakthyeshëm dhe se dokumenti i prezantuar nga Serbia është i dyshimtë.

“Nga ajo që kemi parë është format i çuditshëm, që i referohet entitetit ‘Kosovo i Metohija’ që nuk ekziston”, ka thënë ajo.

Ndërkaq, deputetja e VV-së beson që është tërhequr kjo njohje, duke shtuar se “në krye të institucioneve janë njerëz jokredibilë.