Lajme

Supremja u jep të drejtë policëve për pagën e 13-të, po ashtu për pagën jubilare

Autori: Gazeta inFokus 11:23 | 20 Tetor 2023

Gjykata Supreme e Kosovës, në seancën e Përgjithshme të të gjithë gjyqtarëve, me shumicë votash ka marrë mendimin juridik për shpërblimin e shujtës ditore, pagës së 13-të, shtesat në pagë për kualifikimin shkollor dhe pagën jubilare në Policinë e Kosovës.

Gjykata Supreme e Kosovës nga praktikat e saj, por edhe nga kërkesat e vazhdueshme që ka pranuar nga gjykatat dhe gjyqtarët, thotë se e vlerëson me interes dhënien e këtij mendimin juridik për standardizimin e praktikës gjyqësore, adresimin e çështjes së shpërblimit të shujtës ditore, pagës së 13-të, shtesave në pagë për kualifikim shkollor dhe pagës jubilare.

Këtu mund ta gjeni vendimin e plotë të Supremes

-Advertisement-

Për këtë vendim ka reaguar deputeti i Partisë Demokratike, ish-drejtor i Policisë së Kosovës, Rashit Qalaj i cili përmes një shkrimi në Facebook ka thënë se “Gjykata Supreme e Kosovës ka dhënë një mendim juridik për shpërblimin e shujtës ditore për Policinë e Kosovës , pagës së 13, shtesat në pagë për kualifikimin shkollor dhe pagën jubilare në Policinë e Kosovës”.

“Qeveria e Kosovës krahas pagesës se shtesave për rrezikshmëri , sigurimit shëndetësor dhe pensionimin e parakohshëm duhet ti paguaj edhe këto shtesa për Policinë e Kosovës!”, shkroi Qalaj.

Pesë zyrtarë policorë, pas më shumë se 4 viteve procedura gjyqësore, i kanë marrë pagat e 13 për katër vite.

Pagat për vitet, 2018, 2019, 2020 dhe 2021, ata i morën këto duke ndjekur rrugën ligjore, gjegjësisht duke paditur Qeverinë, pasi Gjykata konstatoi se Udhëzimi Administrativ mbi Marrëdhënien e Punës, nuk u zbatua.

Rrugën e njëjtë, janë duke e ndjekur edhe afro 6 mijë policë të tjerë, të cilët në grupe të madhësive të ndryshme, tashmë e kanë paditur Qeverinë.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy